ഉത്തർപ്രദേശിലെ ബുലന്ദ്ഷഹറിൽ നാലു വയസ്സുകാരിയെ ബലാത്സംഗം ചെയ്ത് കൊലപ്പെടുത്തി; ഏറ്റുമുട്ടലിൽ രണ്ടുപേർ അറസ്റ്റിൽ

ബുലന്ദ്ശഹര്‍: ബുലന്ദ്ഷഹര്‍ ജില്ലയില്‍ നാല് വയസ്സുകാരിയെ ബലാത്സംഗം ചെയ്ത് കൊലപ്പെടുത്തിയ കേസില്‍ ഉള്‍പ്പെട്ട രണ്ട് പേരെ അറസ്റ്റ് ചെയ്തതായി ഉത്തര്‍പ്രദേശ് പോലീസ് ശനിയാഴ്ച അറിയിച്ചു.

ബല്‍റാംപൂര്‍ ജില്ലയില്‍ താമസിക്കുന്ന രാജു, ലഖിംപൂര്‍ ഖേരി ജില്ലയില്‍ താമസിക്കുന്ന വീരു എന്നിവരാണ് പ്രതികള്‍. ഒരു ഏറ്റുമുട്ടലിനെ തുടര്‍ന്നാണ് ഇവരെ പിടികൂടിയത്.

പെണ്‍കുട്ടിയെ കാണാതായതിനെ തുടര്‍ന്ന് കുടുംബാംഗങ്ങള്‍ പരാതി നല്‍കിയതായി പോലീസ് പറഞ്ഞു. പോലീസ് നടത്തിയ തിരച്ചിലില്‍ വ്യാഴാഴ്ച വൈകുന്നേരം പോലീസ് സ്റ്റേഷന്‍ പരിധിയിലുള്ള ഇന്‍ഡസ്ട്രിയല്‍ ഏരിയയിലെ രാജ്പുര പ്രദേശത്ത് നിന്ന് ഇരയെ കണ്ടെത്തി.

ഇരയെ ആശുപത്രിയിലേക്ക് കൊണ്ടുപോയി, അവിടെ വച്ച് ഡോക്ടര്‍മാര്‍ മരിച്ചതായി പ്രഖ്യാപിച്ചു. 

'ഇരയുടെ പിതാവ് രേഖാമൂലം പരാതി നല്‍കിയിട്ടുണ്ട്, അതിന്റെ അടിസ്ഥാനത്തില്‍ സിക്കന്ദ്രബാദ് പോലീസ് സ്റ്റേഷനില്‍ നിയമത്തിലെ പ്രസക്തമായ വകുപ്പുകള്‍ പ്രകാരം കേസ് രജിസ്റ്റര്‍ ചെയ്തിട്ടുണ്ട്,' ബുലന്ദ്ഷഹര്‍ റൂറല്‍ പോലീസ് സൂപ്രണ്ട് (എസ്പി) ഡോ. തേജ്വീര്‍ സിംഗ് വാര്‍ത്താ ഏജന്‍സിയായ എഎന്‍ഐയോട് പറഞ്ഞു.