കനാലിൽ പ്രായപൂർത്തിയാകാത്ത സഹോദരന്മാരുടെ മൃതദേഹങ്ങൾ, പ്രദേശത്ത് പരിഭ്രാന്തി; കൊലപാതകമെന്ന് സംശയം

റോഹ്തക്: ഹരിയാനയിലെ റോഹ്തക് ജില്ലയിലെ കനാലില്‍ നിന്ന് രണ്ട് കൗമാരക്കാരുടെ മൃതദേഹങ്ങള്‍ കണ്ടെടുത്തു. മരിച്ചവരെ 15 വയസ്സുള്ള ഋഷഭ്, 13 വയസ്സുള്ള റൗണക് എന്നിങ്ങനെ തിരിച്ചറിഞ്ഞിട്ടുണ്ട്.

ഋഷഭിന്റെ മുത്തച്ഛനും ഡല്‍ഹി പോലീസ് ഉദ്യോഗസ്ഥനുമായ സത്ബീര്‍ സിംഗ്, തന്റെ പേരക്കുട്ടികളെ മയക്കുമരുന്ന് നല്‍കി കൊലപ്പെടുത്തി  കനാലില്‍ തള്ളിയതായി ആരോപിക്കുന്നു.

രണ്ട് സഹോദരന്മാരും ഗ്രാമ ബസ് സ്റ്റാന്‍ഡിന് സമീപമുള്ള സ്റ്റേഡിയത്തില്‍ എല്ലാ ദിവസവും ബാസ്‌കറ്റ്‌ബോള്‍ കളിക്കാന്‍ പോയിരുന്നതായി സത്ബീര്‍ സിംഗ് പറഞ്ഞു. തിങ്കളാഴ്ച വൈകുന്നേരം അവര്‍ പോയെങ്കിലും രാത്രി വീട്ടില്‍ തിരിച്ചെത്തിയില്ല.

ചൊവ്വാഴ്ച ഉച്ചകഴിഞ്ഞ് കനാലില്‍ നിന്നാണ് ഇവരുടെ മൃതദേഹങ്ങള്‍ കണ്ടെത്തിയത്. ഗ്രാമത്തിലെ യുവാക്കള്‍ തന്റെ പേരക്കുട്ടികളെ മദ്യം കുടിപ്പിച്ച് കൊലപ്പെടുത്തിയതായിരിക്കാമെന്ന് സത്ബീര്‍ സിംഗ് സംശയിക്കുന്നു.