ദിദ്വിന സന്ദർശനത്തിനായി ബസേലിയോസ് ജോസഫ് കാതോലിക്കാ ബാവ മുംബൈയിൽ എത്തി: എയർപോർട്ടിൽ ഉജ്ജ്വല സ്വീകരണം നൽകി വിശ്വാസിസമൂഹം

മുംബൈ: യാക്കോബായ സുറിയാനി ക്രിസ്ത്യാനി സഭയുടെ ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ മോർ ബസേലിയോസ് ജോസഫ് കാതോലിക്കാ ബായുടെ ദ്വിദിന സന്ദർശനത്തിനായി മുംബൈയിൽ എത്തി.

ഇന്ന് (ജനുവരി മൂന്നിന്) ഉച്ചയ്ക്ക് 12ന് മുംബൈ ഇന്റർനാഷണൽ എയർപോർട്ടിൽ എത്തിച്ചേർന്ന ശ്രേഷ്ഠ ബാവയെ സ്വാഗതസംഘം ജനറൽ കൺവീനർ ഫാദർ ജോസഫ് വാഴയിൽ ഭദ്രാസന ഭാരവാഹികളായ ഫാദർ ബിനോയ് നെല്ലിക്കാതുരുത്തേൽ, അഡ്വക്കേറ്റ് പി.പി.ജിമ്മി, ടി. എ ജോർജുകുട്ടി,പബ്ലിസിറ്റി കമ്മിറ്റി ഭാരവാഹികളായ ഫാദർ സജി കാരാവള്ളി, തോമസ് എബ്രഹാം എന്നിവരുടെ നേതൃത്വത്തിൽ വൈദികരും നൂറുകണക്കിന് വിശ്വാസികളും ചേർന്ന് സ്വീകരിച്ചു.

നാളെ   (നാലിന് )രാവിലെ ഏഴിന് നെരുൾ സെൻതോമസ് പള്ളിയിൽ സ്വീകരണം. 7 30ന് പ്രഭാത പ്രാർത്ഥന, 8. 30 ന് വി. കുർബാന, പത്തിന് പ്രസംഗം, 10:30ന് ആശിർവാദം. വൈകിട്ട് 4 .30ന് കാലാപൂരിൽ സ്കൂൾ മന്ദിരം റിട്ടയർമെൻറ് ഹോം എന്നിവയുടെ ശിലാസ്ഥാപനവും കാതോലിക്കാ ബാവ നിർവഹിക്കും. ശ്രീരംഗ സി ബര്‍ണേ എം.പി, മഹേന്ദ്ര എസ് തോർവെ എം എൽ എ, ഈ വി തോമസ് എന്നിവർ ചടങ്ങിൽ പ്രസംഗിക്കും.