ഹരിയാനയിൽ മേളയ്ക്കിടെ യന്ത്ര ഊഞ്ഞാൽ തകർന്നുവീണ് അപകടം. രക്ഷാപ്രവർത്തനത്തിനിടെ പൊലീസ് ഉദ്യോ​ഗസ്ഥൻ മരിച്ചു. 12 പേർക്ക് അപകടത്തിൽ പരിക്ക്

ചണ്ഡീ​ഗഡ് : ഹരിയാന ഫരീദാബാദിൽ മേളയ്ക്കിടെ യന്ത്ര ഊഞ്ഞാൽ തകർന്നുവീണ് അപകടം. സൂരജ്കുണ്ഡിൽ നടന്ന മേളയ്ക്കിടെ നിറയെ ആളുകൾ കയറിയ സുനാമി യന്ത്ര ഊഞ്ഞാൽ പ്രവർത്തിക്കുന്നതിനിടെ തകർന്നുവീഴുകയായിരുന്നു. 

അപകടത്തിൽ ഒരാൾ മരിച്ചു. ഹരിയാന പൊലീസ് സബ് ഇൻസ്പെക്ടറായ ജ​ഗദീഷാണ് രക്ഷാപ്രവർത്തനത്തിനിടെ മരിച്ചത്. 12 പേർക്ക് അപകടത്തിൽ പരിക്കേറ്റു. 

ഇന്ന് വൈകിട്ട് 6 മണിയോടെയായിരുന്നു അപകടം. അപകടസമയത്ത് യന്ത്ര ഊഞ്ഞാലിൽ 15 പേർ ഉണ്ടായിരുന്നെന്നാണ് വിവരം. 

സഞ്ചാരികളുമായി ഉയരത്തിൽ കറങ്ങി തിരികെ വരുന്നതിനിടെ ഊഞ്ഞാൽ തകർന്ന് വീഴുകയായിരുന്നു. അപകടത്തിന് പിന്നാലെ മേള നടന്നിരുന്ന ഗ്രൗണ്ട് അധികൃതർ ഒഴിപ്പിച്ചു.