/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/01/13/china-2026-01-13-19-05-07.jpg)
ന്യൂഡല്ഹി: ഡല്ഹിയിലെ ബിജെപി ആസ്ഥാനത്ത് സന്ദര്ശനം നടത്തി ചൈനീസ് കമ്യൂണിസ്റ്റ് പാര്ട്ടി (സിപിസി) പ്രതിനിധി സംഘം.
2020 ഗാല്വാനിലെ ഇന്ത്യ-ചൈന അതിര്ത്തിസംഘര്ഷത്തിന് ശേഷം ഇതാദ്യമായാണ് ഇരുപാര്ട്ടികളുടെയും പ്രതിനിധികള് തമ്മില് കൂടിക്കാഴ്ച നടക്കുന്നത്.
ഇന്നലെയാണ് സംഘം ബിജെപി ഓഫീസിലെത്തിയത്.
സിപിസിയുടെ ഇന്റര്നാഷണല് ഡിപ്പാര്ട്ട്മെന്റ് വൈസ് മിനിസ്റ്റര് സുന് ഹയാന്റെ നേതൃത്വത്തിലുള്ള സംഘമാണ് ഡല്ഹി ബിജെപി ആസ്ഥാനത്തെത്തിയത്.
മുതിര്ന്ന ബിജെപി നേതാക്കളുമായി സംഘം കൂടിക്കാഴ്ച നടത്തി. ബിജെപി വിദേശകാര്യ വകുപ്പ് വക്താവ് വിജയ് ചൗതായിവാലെ സാമൂഹ്യമാധ്യമമായ എക്സിലൂടെയാണ് ഇക്കാര്യം അറിയിച്ചത്.
ഇന്ത്യയിലെ ചൈനീസ് അംബാസഡര് ഷു ഫെയ്ഹോങ്ങും കൂടിക്കാഴ്ചയില് പങ്കെടുത്തു.
ബിജെപി ജനറല് സെക്രട്ടറി അരുണ് സിങ്ങ് നയിച്ച സംഘം, സിപിസി പ്രതിനിധി സംഘവുമായി ചര്ച്ചകള് നടത്തി. രണ്ടായിരമാണ്ടിന്റെ അവസാനം മുതല് ബിജെപിയും ചൈനീസ് കമ്യൂണിസ്റ്റ് പാര്ട്ടിയും തമ്മില് ബന്ധങ്ങളുണ്ട്. ബിജെപിയുടെ നിരവധി പ്രതിനിധി സംഘങ്ങള് ബെയ്ജിങ് സന്ദര്ശിക്കുകയും മുതിര്ന്ന ചൈനീസ് നേതാക്കളുമായി കൂടിക്കാഴ്ച നടത്തുകയും ചെയ്തിട്ടുണ്ട്.