2005-ൽ ബീഹാറിന് ഒരു മുസ്ലീം മുഖ്യമന്ത്രിയെ വേണമെന്ന് രാം വിലാസ് പാസ്വാൻ ആഗ്രഹിച്ചിരുന്നു. എന്നാൽ ആർജെഡി അത് അംഗീകരിച്ചില്ല; തേജസ്വി യാദവിനെതിരെ ചിരാഗ് പാസ്വാൻ

ഡല്‍ഹി: ലോക് ജനശക്തി പാര്‍ട്ടി (രാം വിലാസ്) തലവന്‍ ചിരാഗ് പാസ്വാനെതിരെ വിമര്‍ശനവുമായി ആര്‍ജെഡി നേതാവ് തേജസ്വി യാദവ്. ചിരാഗിന് അധികാരത്തോടുള്ള അത്യാഗ്രഹമുണ്ടെന്ന് അദ്ദേഹം പറഞ്ഞു.

2005 ല്‍ തന്റെ പിതാവ് രാം വിലാസ് പാസ്വാന്‍ ബീഹാറിന് ഒരു മുസ്ലീം മുഖ്യമന്ത്രിയെ ആഗ്രഹിച്ചിരുന്നുവെന്നും എന്നാല്‍ ആര്‍ജെഡി അത് അംഗീകരിച്ചില്ലെന്നുമുള്ള ചിരാഗ് പാസ്വാന്റെ ആരോപണത്തോട് പ്രതികരിക്കുകയായിരുന്നു തേജസ്വി യാദവ്.

'അദ്ദേഹം എന്ത് പറയുന്നു അല്ലെങ്കില്‍ പറയില്ല എന്നത് പ്രശ്‌നമല്ല. അദ്ദേഹത്തിന്റെ കാഴ്ചപ്പാട് എന്താണ്?' പാസ്വാന്റെ അഭിപ്രായത്തെക്കുറിച്ച് ചോദിച്ചപ്പോള്‍ യാദവ് പറഞ്ഞു.

ഭരണകക്ഷിയായ നാഷണല്‍ ഡെമോക്രാറ്റിക് അലയന്‍സില്‍ പാസ്വാന് അസ്വസ്ഥത അനുഭവപ്പെടുന്നുണ്ടെന്നും അദ്ദേഹം പറഞ്ഞു.

രാം വിലാസ് പാസ്വാന്റെ മരണശേഷം പാസ്വാനും അദ്ദേഹത്തിന്റെ അമ്മാവനും രാഷ്ട്രീയ ലോക് ജനശക്തി പാര്‍ട്ടി (ആര്‍എല്‍ജെപി) തലവനുമായ പശുപതി കുമാര്‍ പരസും തമ്മിലുള്ള പോരാട്ടത്തെക്കുറിച്ച് പരാമര്‍ശിച്ചുകൊണ്ട്, 'എന്‍ഡിഎക്കാര്‍ ചിരാഗിന്റെ കുടുംബത്തിന് തീയിട്ടു എന്ന് യാദവ് പറഞ്ഞു.

'അധികാരത്തിനായുള്ള അത്യാഗ്രഹത്തില്‍ ചിരാഗ് എന്‍ഡിഎയ്ക്കൊപ്പം നില്‍ക്കുന്നു. അധികാരത്തിനുവേണ്ടി ചിരാഗ് വിട്ടുവീഴ്ച ചെയ്യുന്നു. അതുകൊണ്ടാണ് അദ്ദേഹത്തിന്റെ പ്രസ്താവനകള്‍ പ്രധാനമായി കണക്കാക്കാത്തത്,' ആര്‍ജെഡി നേതാവ് പറഞ്ഞു.