മേഘവിസ്ഫോടനത്തിൽ അഞ്ച് പേരെ കാണാതായി; രക്ഷാപ്രവർത്തനങ്ങൾ പുരോഗമിക്കുന്നു

ഗോപേശ്വര്‍: ചമോലി ജില്ലയില്‍ മഴ വീണ്ടും നാശം വിതയ്ക്കുന്നു. ബുധനാഴ്ച രാത്രി, നന്ദനഗറിലെ ഫാലി കുന്ത്രി, സാന്തി കുന്ത്രി, ഭൈന്‍സ്വാഡ, ധര്‍മ്മ എന്നീ കുന്നുകളില്‍ ഉണ്ടായ മേഘവിസ്‌ഫോടനം പ്രദേശത്ത് നാശം വിതച്ചു.

നഗര്‍ പഞ്ചായത്ത് നന്ദനഗറിലെ വാര്‍ഡ് കുന്ത്രി ലഗ ഫലിയില്‍ കനത്ത മഴയെത്തുടര്‍ന്ന് അവശിഷ്ടങ്ങള്‍ ഇടിഞ്ഞുവീണ് ആറ് കെട്ടിടങ്ങള്‍ പൂര്‍ണ്ണമായും തകര്‍ന്നു. സംഭവത്തില്‍ അവശിഷ്ടങ്ങള്‍ക്കടിയില്‍ കുടുങ്ങിയ അഞ്ച് പേരെ കാണാതായി, അവശിഷ്ടങ്ങള്‍ക്കടിയില്‍ കുടുങ്ങിയ രണ്ട് പേരെ രക്ഷപ്പെടുത്തി.

എസ്ഡിആര്‍എഫ് സംഘം നന്ദപ്രയാഗില്‍ എത്തിയിട്ടുണ്ട്, എന്‍ഡിആര്‍എഫും ഗോച്ചറില്‍ നിന്ന് നന്ദപ്രയാഗിലേക്ക് പുറപ്പെട്ടിട്ടുണ്ട്. ഒരു മെഡിക്കല്‍ സംഘവും മൂന്ന് 108 ആംബുലന്‍സുകളും സംഭവസ്ഥലത്തേക്ക് അയച്ചിട്ടുണ്ടെന്ന് സിഎംഒ അറിയിച്ചു.

നന്ദനഗര്‍ തഹസിലിലെ ധര്‍മ്മ ഗ്രാമത്തില്‍, കനത്ത മഴയില്‍ അഞ്ച് കെട്ടിടങ്ങള്‍ക്ക് കേടുപാടുകള്‍ സംഭവിച്ചതായി വിവരം ലഭിച്ചു. ജീവഹാനി സംഭവിച്ചിട്ടില്ല.

മോക്ഷ നദിയിലെ ജലനിരപ്പ് ഉയര്‍ന്നതാണ്. രക്ഷാപ്രവര്‍ത്തനം തുടരുകയാണെന്നും കാണാതായവര്‍ക്കായി തിരച്ചില്‍ തുടരുകയാണെന്നും ജില്ലാ മജിസ്ട്രേറ്റ് ഡോ. സന്ദീപ് തിവാരി പറഞ്ഞു.