ഛത്തീസ്ഗഢില്‍ ഐഇഡി സ്ഫോടനം. പോലീസുകാരന് പരിക്കേറ്റു

സുക്മ: ഛത്തീസ്ഗഡിലെ സുക്മ ജില്ലയില്‍ ഞായറാഴ്ച നക്സലൈറ്റുകള്‍ സ്ഥാപിച്ച ഐഇഡി പൊട്ടിത്തെറിച്ച് ജില്ലാ റിസര്‍വ് ഗാര്‍ഡ് കോണ്‍സ്റ്റബിളിന് പരിക്കേറ്റതായി പോലീസ് അറിയിച്ചു.

ജില്ലയിലെ അതേ പ്രദേശത്ത് നക്‌സലൈറ്റുകള്‍ സ്ഥാപിച്ച മറ്റൊരു ഐഇഡി സുരക്ഷാ ഉദ്യോഗസ്ഥര്‍ കണ്ടെടുത്തു.

സംസ്ഥാന പോലീസിന്റെ ഒരു യൂണിറ്റായ ഡിസ്ട്രിക്റ്റ് റിസര്‍വ് ഗാര്‍ഡിന്റെ (ഡിആര്‍ജി) ഒരു സംഘം ഏരിയ ആധിപത്യ ഓപ്പറേഷനില്‍ ഏര്‍പ്പെട്ടിരിക്കെയാണ് സംഭവം. ചിന്തല്‍നാര്‍ പോലീസ് സ്റ്റേഷന്‍ പരിധിയില്‍ പുതുതായി സജ്ജീകരിച്ച റായ്ഗുഡ പോലീസ് ക്യാമ്പിന് സമീപം രാവിലെ 11 മണിയോടെയാണ് ഐഇഡി സ്‌ഫോടനം ഉണ്ടായത്. 

പരിക്കേറ്റ ജവാന് പ്രാഥമിക ചികിത്സ നല്‍കുകയും കൂടുതല്‍ ചികിത്സക്കായി ആശുപത്രിയിലേക്ക് മാറ്റുകയും ചെയ്തു. അപകടനില തരണം ചെയ്തതായി പോലീസ് ഉദ്യോഗസ്ഥര്‍ പറഞ്ഞു.