ഉറങ്ങിക്കിടന്ന ഭര്‍ത്താവിന്റെ ദേഹത്ത് തിളച്ച എണ്ണ ഒഴിച്ചു. നിലവിളിച്ചപ്പോള്‍ മുളക് പുരട്ടി ഗര്‍ഭിണിയുടെ ക്രൂരത

ഡല്‍ഹി: ഡല്‍ഹിയിലെ മദന്‍ഗീര്‍ പ്രദേശത്ത് രാത്രിയില്‍ ഉറങ്ങിക്കിടന്ന ഭര്‍ത്താവിന്റെ ദേഹത്ത് തിളച്ച എണ്ണ ഒഴിച്ച ശേഷം മുളകുപൊടി വിതറി സ്ത്രീയുടെ ക്രൂര മര്‍ദ്ദനം. സഫ്ദര്‍ജംഗ് ആശുപത്രിയിലെ ഐസിയുവില്‍ പ്രവേശിപ്പിച്ച ഭര്‍ത്താവിന്റെ നില ഗുരുതരമാണ്.

ഭര്‍ത്താവ് ദിനേശിന്റെ നിലവിളി കേട്ട് അയല്‍ക്കാര്‍ ഓടിയെത്തി വാതിലില്‍ മുട്ടിയപ്പോള്‍ ഭാര്യ സാധന തുറക്കാന്‍ വിസമ്മതിച്ചു. എഫ്ഐആറില്‍ പറയുന്നതനുസരിച്ച്, ഒക്ടോബര്‍ 2 ന് പുലര്‍ച്ചെ 3:15 നാണ് സംഭവം നടന്നത്.

'സംഭവദിവസം, ദിനേശിന്റെ നിലവിളി ഞങ്ങള്‍ കേട്ടു. ഞങ്ങള്‍ മുകളിലേക്ക് കയറിയപ്പോള്‍, അദ്ദേഹത്തിന്റെ ഭാര്യ വാതില്‍ തുറക്കുന്നില്ലായിരുന്നു,

അദ്ദേഹത്തിന് ഗുരുതരമായി പൊള്ളലേറ്റു. ഭാര്യ തന്റെ മേല്‍ ചൂടുള്ള എണ്ണയും മുളകുപൊടിയും ഒഴിച്ചുവെന്ന് അദ്ദേഹം പറഞ്ഞുകൊണ്ടിരുന്നു,' വീട്ടുടമസ്ഥന്റെ മകള്‍ അഞ്ജലി പറഞ്ഞു.

തന്റെ അച്ഛന്‍ ദിനേശിന്റെ അളിയനെ വിളിച്ചതിന് ശേഷമാണ് അദ്ദേഹത്തെ ആശുപത്രിയില്‍ എത്തിച്ചതെന്നും അഞ്ജലി പറഞ്ഞു. 'ഏഴു മാസം മുമ്പാണ് അവര്‍ ഞങ്ങളുടെ വീട്ടിലേക്ക് താമസം മാറിയത്,' അഞ്ജലി പറഞ്ഞു.

'രണ്ട് മാസം മുമ്പാണ് ഞങ്ങള്‍ ഈ വീട്ടിലേക്ക് താമസം മാറിയത്. മുകളിലത്തെ നിലയില്‍ താമസിക്കുന്ന കുടുംബം തമ്മില്‍ വഴക്കുണ്ടായതായും ഭാര്യ ഭര്‍ത്താവിന്റെ മേല്‍ ചൂടു എണ്ണയും മുളകുപൊടിയും ഒഴിച്ചതായും പിന്നീട് ഞങ്ങള്‍ കേട്ടു. അത്രയേ ഞങ്ങള്‍ക്ക് അറിയൂ.'താഴത്തെ നിലയില്‍ താമസിക്കുന്ന മറ്റൊരു താമസക്കാരിയായ മഞ്ജു പറഞ്ഞു.

ഒക്ടോബര്‍ 1, 2 തീയതികളിലെ രാത്രിയില്‍, ദിനേശ് ഉറങ്ങാന്‍ പോകുന്നതിനുമുമ്പ് അവര്‍ തമ്മില്‍ വലിയ തര്‍ക്കമുണ്ടായി. തുടര്‍ന്ന് സാധന ഒരു പാനില്‍ എണ്ണ ചൂടാക്കി ദേഹത്ത് ഒഴിച്ചു. ദിനേശ് സഹായത്തിനായി നിലവിളിച്ചു, വീട്ടുടമസ്ഥന്‍ അളിയനെ വിളിച്ചതിനു ശേഷമാണ് സാധന വാതില്‍ തുറന്നത്.