ജാർഖണ്ഡിൽ മാവോയിസ്റ്റ് വിരുദ്ധ ഓപ്പറേഷൻ: ഐഇഡി സ്ഫോടനങ്ങളിൽ രണ്ട് ജവാന്മാർക്ക് പരിക്ക്

ഡല്‍ഹി: ജാര്‍ഖണ്ഡിലെ വെസ്റ്റ് സിംഗ്ഭും ജില്ലയിലെ സാരന്ദ വനത്തിനുള്ളില്‍ ഉണ്ടായ വ്യത്യസ്ത ഇംപ്രൊവൈസ്ഡ് സ്‌ഫോടകവസ്തു സ്‌ഫോടനങ്ങളില്‍ എലൈറ്റ് കോബ്ര ബറ്റാലിയനിലെ രണ്ട് സിആര്‍പിഎഫ് ജവാന്മാര്‍ക്ക് ഗുരുതരമായി പരിക്കേറ്റു.

മാവോയിസ്റ്റ് ശക്തികേന്ദ്രമായി കണക്കാക്കപ്പെടുന്ന ചോട്ടനാഗ്ര പോലീസ് സ്റ്റേഷന്‍ പരിധിയിലുള്ള ബാലിബ വനമേഖലയില്‍ മാവോയിസ്റ്റ് വിരുദ്ധ തിരച്ചിലിനിടെയാണ് സംഭവം. പ്രദേശത്ത് പ്രവര്‍ത്തിക്കുന്ന സുരക്ഷാ സേനയെ ലക്ഷ്യമിട്ടാണ് മാവോയിസ്റ്റുകള്‍ ഐഇഡികള്‍ സ്ഥാപിച്ചതെന്ന് പോലീസ് പറഞ്ഞു.

സാരന്ദയിലെ ഇടതൂര്‍ന്ന വനത്തില്‍ മാവോയിസ്റ്റുകള്‍ക്കെതിരെ തിരച്ചില്‍ നടത്തുന്ന സംഘത്തിലെ അംഗങ്ങളാണ് പരിക്കേറ്റ ജവാന്‍മാരെന്ന് വെസ്റ്റ് സിംഗ്ഭൂം പോലീസ് സൂപ്രണ്ട് അമിത് രേണു സ്ഥിരീകരിച്ചു.