ഗ്രാമി ജേതാവായ ആർ & ബി ഗായകൻ ഡി ആഞ്ചലോ അന്തരിച്ചു

ഡല്‍ഹി: ഗ്രാമി ജേതാവായ അമേരിക്കന്‍ ഗായകനും ഗാനരചയിതാവുമായ ഡി ആഞ്ചലോ അന്തരിച്ചു. 51 വയസ്സായിരുന്നു. ക്യാന്‍സറിനെ തുടര്‍ന്ന് ചികിത്സയിലായിരുന്നു.

അദ്ദേഹത്തിന്റെ കുടുംബം ഒരു പ്രസ്താവനയില്‍ മരണം സ്ഥിരീകരിച്ചെങ്കിലും അദ്ദേഹം എവിടെയാണ് മരിച്ചതെന്ന് വെളിപ്പെടുത്തിയിട്ടില്ല.

'ഞങ്ങളുടെ കുടുംബത്തിലെ തിളങ്ങുന്ന നക്ഷത്രം ഈ ജീവിതത്തില്‍ വെളിച്ചം കെടുത്തിയിരിക്കുന്നു. കാന്‍സറുമായുള്ള ദീര്‍ഘവും ധീരവുമായ പോരാട്ടത്തിനുശേഷം, ലോകമെമ്പാടുമുള്ള ആരാധകര്‍ക്ക് ഡി'ആഞ്ചലോ എന്നറിയപ്പെടുന്ന മൈക്കല്‍ ഡി'ആഞ്ചലോ ആര്‍ച്ചര്‍ 2025 ഒക്ടോബര്‍ 14 ന് വിടവാങ്ങി എന്ന് അറിയിക്കുന്നതില്‍ ഞങ്ങള്‍ക്ക് ഹൃദയം തകര്‍ന്നിരിക്കുന്നു. 

ഓര്‍മ്മകള്‍ മാത്രം ബാക്കിയാക്കി അദ്ദേഹം നമ്മെ വിട്ടുപോകുന്നതില്‍ ഞങ്ങള്‍ക്ക് അതിയായ ദുഃഖമുണ്ട്, എന്നാല്‍ അദ്ദേഹം അവശേഷിപ്പിച്ച ചലനാത്മകവും കാലാതീതവുമായ സംഗീതത്തിന്റെ പാരമ്പര്യത്തിന് ഞങ്ങള്‍ അഗാധമായി നന്ദിയുള്ളവരാണ്. ഈ ദുഷ്‌കരമായ സമയത്ത് ഞങ്ങള്‍ സ്വകാര്യത ആവശ്യപ്പെടുന്നു.

ലോകവുമായി അദ്ദേഹം പങ്കിട്ട ഗാനത്തിന്റെ സമ്മാനം ആഘോഷിക്കാന്‍ ഞങ്ങളോടൊപ്പം ചേരാന്‍ അദ്ദേഹത്തെ സ്‌നേഹിച്ച എല്ലാവരെയും ക്ഷണിക്കുന്നു,' പ്രസ്താവനയില്‍ പറയുന്നു.