റോഡ് നിർമ്മാണത്തിന് ഖരമാലിന്യം: ആധുനിക സാങ്കേതികവിദ്യയുടെയും നേതൃത്വത്തിൻ്റെയും തത്വങ്ങൾ ഉപയോഗിച്ച് നമുക്ക് മാലിന്യത്തെ സമ്പത്താക്കി മാറ്റാൻ കഴിയും. 2027-ഓടെ ഖരമാലിന്യങ്ങൾ റോഡ് നിർമ്മാണത്തിനായി ഉപയോഗിക്കുന്ന പദ്ധതി നടപ്പാക്കും: കേന്ദ്രമന്ത്രി നിതിൻ ഗഡ്കരി

ന്യൂഡൽഹി: 2027-ഓടെ ഖരമാലിന്യങ്ങൾ റോഡ് നിർമ്മാണത്തിനായി ഉപയോഗിക്കുന്ന പദ്ധതി ആരംഭിക്കുമെന്ന് കേന്ദ്രമന്ത്രി നിതിൻ ഗഡ്കരി.

ഡൽഹിയിൽ ഒരു വ്യാപാര സംഘടന സംഘടിപ്പിച്ച യോഗത്തിൽ സംസാരിക്കുകയായിരുന്നു അദ്ദേഹം: "ഒരു വസ്തുവും പാഴാകരുത്. ഒരു വ്യക്തിയും പാഴാകരുത്. 

ആധുനിക സാങ്കേതികവിദ്യയുടെയും നേതൃത്വത്തിൻ്റെയും തത്വങ്ങൾ ഉപയോഗിച്ച് നമുക്ക് മാലിന്യത്തെ സമ്പത്താക്കി മാറ്റാൻ കഴിയും എന്ന് അദ്ദേഹം പറഞ്ഞു.

2027 അവസാനത്തോടെ, ഏതുതരം മാലിന്യമായാലും, അത് ഖരമാലിന്യമാണെങ്കിൽ പോലും, അത് റോഡുകൾ നിർമ്മിക്കാൻ നമ്മൾ ഉപയോഗിക്കുമെന്ന് അദ്ദേഹം വ്യക്തമാക്കി. 

ഡൽഹിയിൽ ഇത്തരം മാലിന്യങ്ങൾ മലപോലെ കൂമ്പാരമായി കിടക്കുന്നുണ്ട്. 80 ലക്ഷം ടൺ മാലിന്യം വേർതിരിച്ച് റോഡ് നിർമ്മാണത്തിനായി ഉപയോഗിച്ചിട്ടുണ്ടെന്നും അദ്ദേഹം പറഞ്ഞു.