ഐ.എസ്.ആർ.ഒയുടെ പുതിയ ചെയർമാനായി ഡോ. വി നാരായണനെ നിയമിച്ചു

ഡൽഹി: ഐ.എസ്.ആർ.ഒയുടെ പുതിയ ചെയർമാനായി ഡോ. വി നാരായണനെ നിയമിച്ചു. ഡോ എസ് സോമനാഥ് വിരമിക്കുന്ന ഒഴിവിലേക്കാണ് അദ്ദേഹത്തിന്റെ നിയമനം.

കേന്ദ്ര ബഹിരാകാശവകുപ്പ് സെക്രട്ടറി, ബഹിരാകാശ കമീഷൻ ചെയർമാൻ എന്നീ ചുമതലകളും ഡോ. വി നാരായണൻ വഹിക്കും.

14 ന് ചുമതലയേൽക്കും.  41 വർഷമായി ഐഎസ്ആർഒയിൽ ശാസ്ത്രജ്ഞനാണ് അദ്ദേഹം. നിലവിൽ തിരുവനന്തപുരം വലിയമല എൽപിഎസ്‌സി ഡയറക്ടറാണ് അദ്ദേഹം. 

രണ്ട് വർഷത്തേക്കാണ് നിയമനം. ഏഴ് വർഷമായി എൽ പി എസ് സി ഡയറക്ടറാണ്.

റോക്കറ്റ് എഞ്ചിൻ സാങ്കേതികവിദ്യയിൽ വിദഗ്ധനായ അദ്ദേഹം ക്രയോ മാൻ എന്ന പേരിലാണ് അറിയപ്പെടുന്നത്.

ഐഐടി ഖരഖ്പുരിൽനിന്ന് എംടെക് നേടി. നാഗർകോവിൽ സ്വദേശിയാണ്. ഭാര്യ: കവിതാരാജ്. മക്കൾ: ദിവ്യ, കലേഷ്.