ഡല്ഹി: പ്രധാനമന്ത്രി നരേന്ദ്രമോദി ത്രിവേണി സംഗമത്തില് പുണ്യസ്നാനം നടത്തും. ഡൽഹി തെരഞ്ഞെടുപ്പ് നടക്കുന്ന ബുധനാഴ്ച രാവിലെ പതിനൊന്നിനും പതിനൊന്നരയ്ക്കും ഇടയിലാണ് പുണ്യസ്നാനം നടത്തുക.
ഇതിന്റെ ഭാഗമായി രാവിലെ പത്തുമണിയോടെ പ്രധാനമന്ത്രി പ്രയാഗ് രാജ് വിമാനത്താവളത്തിലെത്തും.
പ്രയാഗ് രാജ് വിമാനത്താവളത്തില് നിന്ന് ഹെലികോപ്റ്റര് മാര്ഗം നരേന്ദ്ര മോദി അറെയില് ഘാട്ടിലെത്തും. അവിടെ നിന്ന് മഹാകുംഭമേളയില് പങ്കെടുക്കാനായി ബോട്ടില് യാത്രതിരിക്കും. ത്രിവേണിസംഗമത്തില് പുണ്യസ്നാനം നടത്തി അവിടെനിന്ന് 10.45ന് മടങ്ങും.
പന്ത്രണ്ടരയ്ക്ക് മോദി പ്രയാഗ് രാജ് വിമാനത്താവളത്തില് നിന്ന് ഡല്ഹിയിലേക്ക് മടങ്ങും. സന്ദര്ശനത്തിനിടെ, പ്രധാനമന്ത്രി മോദി സന്യാസിമാരുമായി സംവദിക്കുമെന്നും, മഹാകുംഭമേളയ്ക്കായി ഒരുക്കിയിരിക്കുന്ന ക്രമീകരണങ്ങള് അവലോകനം ചെയ്യുമെന്നും പ്രതീക്ഷിക്കുന്നു.
മൗനി അമാവാസിയോടനുബന്ധിച്ച് അമൃത് സ്നാനിനിടെ തിക്കിലും തിരക്കിലുംപെട്ട് 30 പേര് മരിക്കുകയും 60 ഭക്തര്ക്ക് പരിക്കേല്ക്കുകയും ചെയ്തതിന് ദിവസങ്ങള്ക്ക് ശേഷമാണ് മോദിയുടെ സന്ദര്ശനം.