ദേശീയം ലേറ്റസ്റ്റ് ന്യൂസ്

രാഹുൽ ​ഗാന്ധിയുടെയും സത്യപാൽ മാലിക്കിന്റെയും പഴയകാല വീഡിയോകൾ മറയാക്കി പാകിസ്താനെ വെള്ളപൂശാൻ പാക് സൈന്യം രം​ഗത്ത്. പാക് സൈന്യത്തിന്റെ പ്രചാരണം വിവാദമായതിനു പിന്നാലെ കോൺ​ഗ്രസിനെതിരെ വൻ വിമർശനം

ബിജെപി അടക്കമുള്ള രാഷ്ട്രീയ പർട്ടികൾ കോൺ​ഗ്രസിനെതിരെ പ്രതികരണവുമായി രം​ഗത്തെത്തി. 

author-image
ന്യൂസ് ബ്യൂറോ, ഡല്‍ഹി
New Update
image(174)

ഡൽഹി: പുൽവാമ ആക്രണത്തിനു പിന്നാലെ രാഹുൽ ​ഗാന്ധിയുടെയും അന്നത്തെ ജമ്മു ആന്റ് കശ്മീർ ​ഗവർണറായിരുന്ന സത്യപാൽ മാലിക്കിന്റെയും പഴയകാല വീഡിയോകൾ മറയാക്കി പാകിസ്താനെ വെള്ളപൂശാൻ രം​ഗത്തെത്തിയിരിക്കുകയാണ് പാക് സൈന്യം. 

Advertisment

സാധാരണ ജനങ്ങളെ കുരുതികൊടുത്തിട്ട് അത് പാകിസ്താന്റെ തലയിൽ അടിച്ചേൽപ്പിക്കാൻ നോക്കുകയാണെന്നാണ് പാകിസ്താനിലെ ഒരു പട്ടാള മേധവി വാർത്താ സമ്മേളനത്തിൽ വ്യക്തമാക്കിയത്. 

പുൽവാമ ആക്രമണ സമയത്ത് എടുത്ത ഒരു പഴയ അഭിമുഖത്തിലെ ഭാഗങ്ങൾ പ്രചരിപ്പിച്ച് പുൽവാമ ആക്രമണം കേന്ദ്ര സർക്കാർ തെരഞ്ഞെടുപ്പ് അടുക്കാൻ നേരത്ത് മനപ്പൂർവം കരുതിക്കൂട്ടി നടത്തിയതാണെന്ന് തരത്തിലുള്ള പ്രചരണമാണ് പാക് സൈന്യം നടത്തുന്നത്. 

പാക് സൈന്യത്തിന്റെ പ്രചാരണം വിവാദമായതിനു പിന്നാലെ കോൺ​ഗ്രസിനെതിരെ വൻ വിമർശനമാണ് ഉയരുന്നത്. ബിജെപി അടക്കമുള്ള രാഷ്ട്രീയ പർട്ടികൾ കോൺ​ഗ്രസിനെതിരെ പ്രതികരണവുമായി രം​ഗത്തെത്തി.