ഡൽഹിയിൽ അതി ശക്തമായ മഴ. 24 മണിക്കൂറിനിടെ ഒമ്പത് മരണം റിപ്പോർട്ട് ചെയ്തു. വിമാനങ്ങൾ വൈകി

ന്യൂഡൽഹി : ഡൽഹിയിൽ അതി ശക്തമായ മഴയിൽ 24 മണിക്കൂറിനിടെ ഒമ്പത് മരണം റിപ്പോർട്ട് ചെയ്തു. യമുനാ നദിയിൽ ജലനിരപ്പ് അല്പം കുറഞ്ഞെങ്കിലും അപകടനിലയ്ക്ക് മുകളിലാണ് ഒഴുക്കുന്നത്. 

നദീതീരത്തുള്ളവർ ജാ​ഗ്രത പാലിക്കണമെന്ന് മുന്നറിയിപ്പ്. മഴകാരണം 300-ലധികം വിമാനങ്ങൾ വൈകി. കനത്തമഴയിൽ ​ഗതാ​ഗത കുരുക്കും അനുഭവപ്പെട്ടു.

ഡൽഹിയിൽ 24 മണിക്കൂറിനുള്ളിൽ 78.7 മില്ലിമീറ്റർ മഴ രേഖപ്പെടുത്തി. 

ശനിയാഴ്ച രാവിലെ 8.30 നും വൈകുന്നേരം 5.30 നും ഇടയിൽ 26 മില്ലിമീറ്റർ മഴ പെയ്തു. വെള്ളിയാഴ്ച രാത്രി മുതൽ ആകെ 104.7 മില്ലിമീറ്റർ മഴയാണ് ആകെ ലഭിച്ചത്.