രാജ്യ തലസ്ഥാനത്തെ തെരുവുനായ ശല്യം. കേസ് മൂന്നം​ഗ പ്രത്യേക ബഞ്ച് വ്യാഴാഴ്ച പരി​ഗണിക്കും. നേരത്തെ ഇതേ കേസിൽ ഉത്തരവ് പുറപ്പെടുവിച്ച ജഡ്ജിമാർ ഈ ബെഞ്ചിന്റെ ഭാഗമാകില്ലെന്ന് സുപ്രീം കോടതി

ഡൽഹി: ഡൽഹിലെ തെരുവ് നായകളുമായി ബന്ധപ്പെട്ട കേസ് കേസ് നാളെ പരിഗണിക്കും. പുതുതായി രൂപീകരിച്ച മൂന്നംഗ പ്രത്യേക ബെഞ്ചാണ് കേസ് പരി​ഗണിക്കുക.  

ജസ്റ്റിസ് വിക്രം നാഥ്, ജസ്റ്റിസ് സന്ദീപ് മേത്ത, ജസ്റ്റിസ് എൻ.വി. അഞ്ജാരിയ എന്നിവരടങ്ങുന്ന പ്രത്യേക ബെഞ്ചാണ് കേസ് പരിഗണിക്കുക. 

കഴിഞ്ഞ ദിവസം തെരുവ് നായകളെ പിടികൂടി വന്ധ്യംകരണം നടത്താനും, അവയെ ഷെൽട്ടർ ഹോമുകളിലേക്ക് മാറ്റാൻ സുപ്രീം കോടതി ഉത്തരവിട്ടിരുന്നു. 

നേരത്തെ ഉത്തരവ് പുറപ്പെടുവിച്ച ജഡ്ജിമാർ ഈ ബെഞ്ചിന്റെ ഭാഗമാകില്ലെന്ന് കോടതി വ്യക്തമാക്കി.

തെരുവ് നായകളെ പിടികൂടുന്നതിനെതിരായ പുതിയ ഹർജികൾ ഉൾപ്പെടെ, ഈ വിഷയവുമായി ബന്ധപ്പെട്ട നിരവധി ഹർജികളാണ് സ്പെഷ്യൽ ബെഞ്ച് പരിഗണിക്കുന്നത്.