മുഖ്യ തെരഞ്ഞെടുപ്പ് കമ്മീഷണർക്കെതിരെ ഇംപീച്ച്മെന്റ് നീക്കം നടത്താനൊരുങ്ങി ഇൻഡ്യാ സഖ്യം. തീരുമാനം ഇൻഡ്യാ സഖ്യയോഗത്തിൽ. രാജ്യത്തെ പ്രതിപക്ഷനേതാവിനോട് മാപ്പ് പറയണം എന്ന് ആവശ്യപ്പെടാനുള്ള നിയമപരമായ അവകാശവും തെരഞ്ഞെടുപ്പ് കമ്മീഷനില്ലെന്ന് വിലയിരുത്തൽ

ന്യൂഡല്‍ഹി: വോട്ട് കൊള്ള ആരോപണത്തില്‍ തെരഞ്ഞെടുപ്പ് കമ്മീഷനുമായി പരസ്യപോരിന് ഇൻഡ്യാ മുന്നണി.

മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരെ ഇംപീച്ച്മെന്റ് നീക്കം നടത്താനാണ് ആലോചന. 

ഞായറാഴ്ച നടത്തിയ വാർത്താസമ്മേളനത്തിന്റെ പശ്ചാത്തലത്തിലാണ് ഇൻഡ്യാ സഖ്യത്തിന്റെ നീക്കം. ഇൻഡ്യാ സഖ്യയോഗത്തിലാണ് ഈ അഭിപ്രായമുയർന്നത്.

രാജ്യത്തെ പ്രതിപക്ഷനേതാവിനോട് മാപ്പ് പറയണം എന്ന് ആവശ്യപ്പെടാനുള്ള നിയമപരമായ അവകാശവും തെരഞ്ഞെടുപ്പ് കമ്മീഷനില്ലെന്നാണ് ഇൻഡ്യ മുന്നണിയോഗം വിലയിരുത്തി.

ഇന്നലെ നടത്തിയ വാർത്താസമ്മേളത്തിൽ രാഹുൽ ഗാന്ധിയുടെ ആരോപണങ്ങളിൽ മാത്രമാണ് തെര.കമ്മീഷൻ മറുപടി പറഞ്ഞത്.