അനധികൃത കുടിയേറ്റം. 8 ബംഗ്ലാദേശി പൗരന്മാരെ ഡൽഹി പോലീസ് നാടുകടത്തി

ഡല്‍ഹി: എട്ട് അനധികൃത ബംഗ്ലാദേശി കുടിയേറ്റക്കാരെ അറസ്റ്റ് ചെയ്തതിന് പിന്നാലെ നാടുകടത്തിയതായി ഡല്‍ഹി പോലീസ് അറിയിച്ചു.

സാധുവായ രേഖകളില്ലാതെ ദേശീയ തലസ്ഥാനത്ത് താമസിക്കുകയായിരുന്നു ഇവര്‍. 

ബംഗ്ലാദേശ് പൗരന്മാര്‍ ഉള്‍പ്പെടെയുള്ള കുടിയേറ്റക്കാര്‍ തലസ്ഥാനത്ത് അനധികൃതമായി താമസിക്കുന്നുവെന്ന വിവരത്തെ തുടര്‍ന്ന് ഡല്‍ഹി പോലീസ് തെക്ക്-പടിഞ്ഞാറന്‍ ജില്ലയിലുടനീളം വെരിഫിക്കേഷന്‍ ഡ്രൈവുകളും സംയുക്ത പരിശോധനകളും ഉള്‍പ്പെടെ നിരവധി ടാര്‍ഗെറ്റഡ് ഓപ്പറേഷനുകള്‍ നടത്തിവരികയാണ്

നഗരത്തിലെ അനധികൃത കുടിയേറ്റക്കാരെ കണ്ടെത്തി നാടുകടത്തുന്നതിന് പ്രത്യേക ഡ്രൈവ് ആരംഭിക്കുമെന്ന് ലെഫ്റ്റനന്റ് ഗവര്‍ണര്‍ (എല്‍ജി) സെക്രട്ടേറിയറ്റ് പ്രഖ്യാപിച്ച് രണ്ടാഴ്ചയ്ക്ക് ശേഷം തെക്ക്-പടിഞ്ഞാറന്‍ ഡല്‍ഹി പോലീസ് പുറപ്പെടുവിക്കുന്ന ആദ്യത്തെ ഔദ്യോഗിക നാടുകടത്തല്‍ ഉത്തരവാണിത്.