2025 ആകുമ്പോഴേക്കും ഇന്ത്യയില്‍ ഡെങ്കിപ്പനി കേസുകളില്‍ 47 ശതമാനം കുറവും രോഗം മൂലമുള്ള മരണങ്ങളില്‍ 73 ശതമാനം കുറവും ഉണ്ടാകുമെന്ന് പ്രതീക്ഷിക്കുന്നതായി ജെപി നദ്ദ

ഡല്‍ഹി: ഡെങ്കിപ്പനിയെ നേരിടാനുള്ള തയ്യാറെടുപ്പ് പുനഃപരിശോധിക്കണമെന്ന് കേന്ദ്ര ആരോഗ്യ മന്ത്രി ജെ പി നദ്ദ എന്‍സിആര്‍ മേഖലയിലെ സംസ്ഥാനങ്ങളോട് ആവശ്യപ്പെട്ടു. നീണ്ടുനില്‍ക്കുന്ന മഴക്കാലവും ചില പ്രദേശങ്ങളിലെ വെള്ളക്കെട്ടും കണക്കിലെടുത്ത് അദ്ദേഹം സംസ്ഥാനങ്ങള്‍ക്ക് ജാഗ്രത നിര്‍ദ്ദേശം നല്‍കി.

2024 ലെ ഇതേ കാലയളവിനെ അപേക്ഷിച്ച് 2025 ആകുമ്പോഴേക്കും ഇന്ത്യയില്‍ ഡെങ്കിപ്പനി കേസുകളില്‍ 47 ശതമാനം കുറവും രോഗം മൂലമുള്ള മരണങ്ങളില്‍ 73 ശതമാനം കുറവും ഉണ്ടാകുമെന്ന് പ്രതീക്ഷിക്കുന്നു.

ഡല്‍ഹി-എന്‍സിആറില്‍ ഡെങ്കിപ്പനിയെ നേരിടാനുള്ള തയ്യാറെടുപ്പിനെക്കുറിച്ചുള്ള അവലോകന യോഗത്തില്‍ അധ്യക്ഷത വഹിക്കവേ, ഡെങ്കി നിയന്ത്രണത്തില്‍ സമൂഹത്തിന്റെ പങ്കിനെക്കുറിച്ച് പൊതുജന പങ്കാളിത്തത്തിലൂടെ പൊതുജന അവബോധം വളര്‍ത്തണമെന്ന് നദ്ദ ആഹ്വാനം ചെയ്തു.