ധാരാവിയിൽ ട്രക്കിൽ സിലിണ്ടർ പൊട്ടിത്തെറിച്ച് വൻ തീപിടുത്തം. നാല് വാഹനങ്ങള്‍ക്ക് കേടുപാടുകള്‍. ഉയര്‍ന്ന തോതില്‍ കത്തുന്ന സിലിണ്ടറുകള്‍ വഹിക്കുന്ന ട്രക്കുകള്‍ തിരക്കേറിയ പ്രദേശത്ത് നിയമവിരുദ്ധമായി പാര്‍ക്ക് ചെയ്യാന്‍ അനുവദിക്കുന്നത് എന്തിനാണെന്ന് എംഎല്‍എ

മുംബൈ: മുംബൈയിലെ ധാരാവിയിലെ പിഎന്‍ജിപി കോളനിയില്‍ ഗ്യാസ് സിലിണ്ടറുകള്‍ കയറ്റിയ ട്രക്കിന് തീപിടിച്ചു. സംഭവത്തെക്കുറിച്ച് വിവരം ലഭിച്ചയുടന്‍ മുംബൈ അഗ്‌നിശമന സേന സ്ഥലത്തെത്തി. ആളപായമൊന്നും റിപ്പോര്‍ട്ട് ചെയ്തിട്ടില്ല. തിങ്കളാഴ്ച രാത്രിയാണ് സംഭവം.

ഒരു ട്രക്കിലെ രണ്ട് ഗ്യാസ് സിലിണ്ടറുകള്‍ പൊട്ടിത്തെറിച്ചതിനെ തുടര്‍ന്നാണ് തീപിടിത്തമുണ്ടായത്, എന്നാല്‍ സംഭവത്തില്‍ ആര്‍ക്കും പരിക്കില്ലെന്ന് ഒരു പോലീസ് ഉദ്യോഗസ്ഥന്‍ പറഞ്ഞു.

സിയോണ്‍-ധാരാവി ലിങ്ക് റോഡിലെ പിഎന്‍ജിപി കോളനിയിലെ നേച്ചര്‍ പാര്‍ക്കിന് സമീപമാണ് രാത്രി 9:50 ന് തീപിടുത്തമുണ്ടായതെന്ന് ഉദ്യോഗസ്ഥര്‍ പറഞ്ഞു. വാഹനത്തിന്റെ ഡ്രൈവറെ ധാരാവി പോലീസ് കസ്റ്റഡിയിലെടുത്തിട്ടുണ്ട്.

'നാല് വാഹനങ്ങള്‍ക്ക് കേടുപാടുകള്‍ സംഭവിച്ചു. രാത്രി 10:07 ന് ലെവല്‍ 2 ആയി പ്രഖ്യാപിക്കപ്പെട്ട തീപിടുത്തം 19 ഫയര്‍ ടെന്‍ഡറുകളുടെ സഹായത്തോടെ അണച്ചു. തീപിടിത്തത്തിന്റെ കാരണം കണ്ടെത്തി വരികയാണെന്നും അദ്ദേഹം കൂട്ടിച്ചേര്‍ത്തു.

ധാരാവി എംഎല്‍എ ജ്യോതി ഏക്നാഥ് ഗെയ്ക്വാദ് സംഭവത്തെക്കുറിച്ച് എക്സില്‍ പ്രതികരിച്ചു.

 'സിയോണ്‍-ധാരാവി ലിങ്ക് റോഡിലെ ധാരാവി ബസ് ഡിപ്പോയ്ക്ക് സമീപം അനധികൃതമായി പാര്‍ക്ക് ചെയ്തിരുന്ന ട്രക്കില്‍ നിന്ന് ഒന്നിലധികം ഗ്യാസ് സിലിണ്ടറുകള്‍ പൊട്ടിത്തെറിച്ചതിനെത്തുടര്‍ന്ന് ഒരു വലിയ തീപിടുത്തമുണ്ടായി. ഇത് ജനസാന്ദ്രതയുള്ള പ്രദേശമാണ്, ഈ സംഭവം താമസക്കാര്‍ക്കിടയില്‍ വലിയ പരിഭ്രാന്തി സൃഷ്ടിച്ചിട്ടുണ്ട്' എന്ന് ജ്യോതി ഏക്നാഥ് എഴുതി.

ഞാനും എന്റെ സംഘവും സ്ഥലത്തുണ്ട്, അഗ്‌നിശമന സേനയുടെ പ്രവര്‍ത്തനങ്ങള്‍ ഊര്‍ജിതമായി നടക്കുന്നുണ്ട്, അവര്‍ പറഞ്ഞു, ഇതുവരെ ആര്‍ക്കും പരിക്കുകള്‍ റിപ്പോര്‍ട്ട് ചെയ്തിട്ടില്ലെങ്കിലും പാര്‍ക്ക് ചെയ്തിരുന്ന നിരവധി വാഹനങ്ങള്‍ക്ക് കേടുപാടുകള്‍ സംഭവിച്ചിട്ടുണ്ട്.

ഉയര്‍ന്ന തോതില്‍ കത്തുന്ന സിലിണ്ടറുകള്‍ വഹിക്കുന്ന ട്രക്കുകള്‍ ഇത്രയും തിരക്കേറിയ പ്രദേശത്ത് നിയമവിരുദ്ധമായി പാര്‍ക്ക് ചെയ്യാന്‍ അനുവദിക്കുന്നത് എന്തിനാണ്- എംഎല്‍എ ചോദിച്ചു

A major fire broke out near Dharavi Bus Depot on the Sion-Dharavi Link Road after multiple gas cylinder explosions from an illegally parked truck. This is a densely populated area, and the incident has triggered immense panic among residents.

My team and I are at the site, where… pic.twitter.com/37kTehyZXj

— Dr. Jyoti Eknath Gaikwad (@DrJyotiEGaikwad) March 24, 2025