ഒരു മതത്തെയും ഭീകരതയുമായി ബന്ധിപ്പിക്കുന്നത് ശരിയല്ല. ചിലർ മതത്തെ വെറുപ്പിന്റെ ആയുധമായി ഉപയോഗിക്കുന്നു: ദിഗ്‌വിജയ് സിംഗ്

ഡല്‍ഹി: മലേഗാവ് സ്‌ഫോടനത്തില്‍ മുന്‍ എംപി സാധ്വി പ്രജ്ഞയെ കുറ്റവിമുക്തയാക്കി. ഈ സ്‌ഫോടനത്തിനുശേഷം, രാജ്യത്ത് ഹിന്ദു ഭീകരതയെക്കുറിച്ച് ധാരാളം ചര്‍ച്ചകള്‍ നടന്നു.

അതേസമയം, മണ്‍സൂണ്‍ സെഷനില്‍ ബുധനാഴ്ച രാജ്യസഭയെ അഭിസംബോധന ചെയ്ത് ആഭ്യന്തരമന്ത്രി അമിത് ഷാ സംസാരിച്ചു. ഓപ്പറേഷന്‍ സിന്ദൂരും ഓപ്പറേഷന്‍ മഹാദേവും സംബന്ധിച്ച സര്‍ക്കാരിന്റെ നിലപാട് അദ്ദേഹം അവതരിപ്പിച്ചു. ഹിന്ദു സമൂഹത്തിലെ ആളുകള്‍ക്ക് ഒരിക്കലും തീവ്രവാദികളാകാന്‍ കഴിയില്ലെന്ന് അദ്ദേഹം പറഞ്ഞു.

മാലേഗാവ് സ്ഫോടന കേസില്‍ സാധ്വി പ്രജ്ഞയെ കുറ്റവിമുക്തനാക്കിയതിന് ശേഷം, കോണ്‍ഗ്രസ് നേതാവും മുന്‍ മുഖ്യമന്ത്രിയുമായ ദിഗ്വിജയ് സിംഗ് പ്രതികരണവുമായി രംഗത്തെത്തി.

ഒരു മതത്തെയും ഭീകരതയുമായി ബന്ധിപ്പിക്കുന്നത് ശരിയല്ലെന്ന് അദ്ദേഹം പറഞ്ഞു. എല്ലാ മതങ്ങളും സ്‌നേഹത്തിന്റെയും അഹിംസയുടെയും ഐക്യത്തിന്റെയും പ്രതീകമാണ്.

ഒരു തീവ്രവാദിക്കും ഹിന്ദുവോ മുസ്ലീമോ ആകാന്‍ കഴിയില്ല. മതത്തെ വെറുപ്പിന്റെ ആയുധമായി ഉപയോഗിക്കുന്ന ചുരുക്കം ചില ആളുകള്‍ മാത്രമേയുള്ളൂ. അദ്ദേഹം പറഞ്ഞു.

2018-ല്‍ സാമൂഹിക പ്രവര്‍ത്തക ഗൗരി ലങ്കേഷിന്റെ കൊലപാതകത്തിന് ശേഷം, ഈ കേസില്‍ അറസ്റ്റിലായവരെല്ലാം ഹിന്ദു മതത്തിന്റെ തീവ്രവാദികളാണെന്നും അവരെല്ലാം സംഘത്തിന്റെ പ്രവര്‍ത്തകരാണെന്നും ദിഗ്വിജയ് സിംഗ് പറഞ്ഞിരുന്നു.