/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/kEdJlTnAIher5VcQDmYl.jpg)
ഡല്‍ഹി: കര്‍ണാടകയില്‍ കോണ്‍ഗ്രസ് സര്‍ക്കാരിന്റെ രണ്ടാം പകുതിയില്‍ മുഖ്യമന്ത്രിയായി ചുമതലയേല്‍ക്കുമോ എന്ന ചോദ്യത്തിന് മറുപടി നല്‍കാതെ ഡി കെ ശിവകുമാര്‍. ഈ ചോദ്യത്തിന് കാലം ഉത്തരം നല്‍കുമെന്ന് ശിവകുമാര്‍ പറഞ്ഞു.
'കാലം ഉത്തരം നല്‍കും. ഞാന്‍ ഉത്തരം പറയില്ല. കാലം മാത്രമേ ഉത്തരം നല്‍കേണ്ടതുള്ളൂ. ഈ ലോകത്തിലെ ഏതൊരു വ്യക്തിയും പ്രതീക്ഷയില്‍ ജീവിക്കണം. പ്രതീക്ഷയില്ലാതെ ജീവിതമില്ല.' അദ്ദേഹം പറഞ്ഞു.
തീരുമാനം പൂര്‍ണ്ണമായും കോണ്‍ഗ്രസ് ഹൈക്കമാന്‍ഡിന്റെയും സംസ്ഥാനത്തെ കൂട്ടായ നേതൃത്വത്തിന്റെയും ഉത്തരവാദിത്തമാണെന്ന് ശിവകുമാര്‍ പറഞ്ഞു.
ജനങ്ങളോടുള്ള പ്രതിബദ്ധത നിറവേറ്റുന്നതിലാണ് സര്‍ക്കാരിന്റെ ശ്രദ്ധ എന്നും അദ്ദേഹം കൂട്ടിച്ചേര്‍ത്തു.
'നല്ല ഭരണത്തോടെയുള്ള ഒരു നല്ല സര്‍ക്കാര്‍ നല്‍കുമെന്ന് കര്‍ണാടകയിലെ ജനങ്ങള്‍ക്ക് ഞങ്ങള്‍ വാഗ്ദാനം ചെയ്തിട്ടുണ്ട്. അതാണ് ഏറ്റവും പ്രധാനപ്പെട്ട കാര്യം, അതിനാല്‍ കര്‍ണാടകയിലെ ജനങ്ങള്‍ക്ക് ഞങ്ങള്‍ വാഗ്ദാനം ചെയ്ത കാര്യങ്ങള്‍ക്കായി എല്ലാവരും ഒരുമിച്ച് പ്രവര്‍ത്തിക്കും,'' അദ്ദേഹം പറഞ്ഞു.