ഡിഎംകെ എംപി വേദിയില്‍ പ്രസംഗത്തിനിടെ ലൈറ്റ് പോസ്റ്റ് തകര്‍ന്നുവീണു. എംപി എ രാജ രക്ഷപ്പെട്ടത് തലനാരിഴക്ക്

ചെന്നൈ: തമിഴ്നാട്ടിലെ മയിലാടുതുറൈയില്‍ ഒരു പൊതുപരിപാടിക്കിടെ ലൈറ്റ് പോസ്റ്റ് തകര്‍ന്നുവീണ് അപകടം. സംഭവത്തില്‍ ഡിഎംകെ എംപി എ രാജ കഷ്ടിച്ച് രക്ഷപ്പെടുകയായിരുന്നു.

രാജ സമ്മേളനത്തെ അഭിസംബോധന ചെയ്യുന്നതിനിടെയാണ് സംഭവം നടന്നത്. വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായി.

ശക്തമായ കാറ്റില്‍ സ്റ്റീല്‍ വടിയില്‍ ഘടിപ്പിച്ചിരുന്ന സ്റ്റേജ് ലൈറ്റ് മറിഞ്ഞു. രാജ വേഗത്തില്‍ പ്രതികരിക്കുകയും പിന്നോട്ട് മാറി വേദിയില്‍ നിന്ന് ഓടുകയും ചെയ്യുന്നത് ദൃശ്യങ്ങളില്‍ കാണാം.

സംഭവത്തെത്തുടര്‍ന്ന്, രാജയും മറ്റ് ഡിഎംകെ നേതാക്കളും വേദിയില്‍ നിന്ന് വേഗത്തില്‍ ഇറങ്ങിപ്പോയി, കനത്ത മഴ പെയ്തതോടെ പ്രദേശം ഉടന്‍ തന്നെ വിജനമായി.