ശബരിമല ക്ഷേത്രം സന്ദര്‍ശിക്കുന്ന ആദ്യ ഇന്ത്യന്‍ രാഷ്ട്രപതിയാകാന്‍ ദ്രൗപദി മുര്‍മു ഒരുങ്ങുന്നു

തിരുവനന്തപുരം:  ശബരിമല ശ്രീ അയ്യപ്പ ക്ഷേത്രത്തില്‍ പ്രാര്‍ത്ഥന നടത്തുന്ന ആദ്യത്തെ ഇന്ത്യന്‍ രാഷ്ട്രപതികാനൊരുങ്ങി രാഷ്ട്രപതി ദ്രൗപദി മുര്‍മു. മെയ് 19 ന് ശബരിമല ശ്രീ അയ്യപ്പ ക്ഷേത്രത്തില്‍ എത്തി ദ്രൗപദി മുര്‍മു ചരിത്രം സൃഷ്ടിക്കും.

ക്ഷേത്രത്തിന്റെ ചുമതലയുള്ള തിരുവിതാംകൂര്‍ ദേവസ്വം ബോര്‍ഡ് സന്ദര്‍ശനം സ്ഥിരീകരിച്ചു, ഇത് ക്ഷേത്രത്തിനും രാജ്യത്തിനും ഒരു നാഴികക്കല്ലാണെന്ന്  ദേവസ്വം ബോര്‍ഡ് വിശേഷിപ്പിച്ചു.

രണ്ടു ദിവസത്തെ കേരള സന്ദര്‍ശനത്തിന്റെ ഭാഗമായാണ് രാഷ്ട്രപതിയുടെ ശബരിമല സന്ദര്‍ശനം.

മെയ് 18 ന് കേരളത്തിലെത്തിയ ശേഷം കോട്ടയത്തെ ഒരു സ്വകാര്യ ചടങ്ങില്‍ പങ്കെടുക്കാനാണ് അവര്‍ പദ്ധതിയിട്ടിരിക്കുന്നത്.

പിറ്റേന്ന് രാവിലെ, ക്ഷേത്രത്തിനടുത്തുള്ള നിലയ്ക്കല്‍ ഹെലിപാഡിലേക്ക് യാത്ര ചെയ്ത് പമ്പ ബേസ് ക്യാമ്പിലേക്ക് പോകും.

സുരക്ഷാ ക്രമീകരണങ്ങള്‍ക്ക് മേല്‍നോട്ടം വഹിക്കുന്ന സ്‌പെഷ്യല്‍ പ്രൊട്ടക്ഷന്‍ ഗ്രൂപ്പ് (എസ്പിജി) ആയിരിക്കും യാത്രാ രീതി സംബന്ധിച്ച അന്തിമ തീരുമാനം എടുക്കുക.