ഡൽഹിയിൽ 2.8 തീവ്രത രേഖപ്പെടുത്തിയ നേരിയ ഭൂകമ്പം. പ്രഭവകേന്ദ്രം വടക്കൻ ഡൽഹി

ഡല്‍ഹി: തിങ്കളാഴ്ച രാവിലെ ഡല്‍ഹിയില്‍ 2.8 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. നാഷണല്‍ സെന്റര്‍ ഫോര്‍ സീസ്‌മോളജി (എന്‍സിഎസ്) പ്രകാരം രാവിലെ 8:44 ഓടെയാണ് ഭൂചലനം അനുഭവപ്പെട്ടത്. ഭൂകമ്പത്തിന്റെ പ്രഭവകേന്ദ്രം വടക്കന്‍ ഡല്‍ഹിയിലായിരുന്നുവെന്നും 5 കിലോമീറ്റര്‍ ആഴത്തിലാണെന്നും അതില്‍ പറയുന്നു. 

ജനുവരി 13 ന് ഉത്തരാഖണ്ഡിലെ ബാഗേശ്വര്‍ ജില്ലയ്ക്ക് സമീപം 3.5 തീവ്രത രേഖപ്പെടുത്തിയ ഭൂകമ്പം ഉണ്ടായതായും ഇതിനെ തുടര്‍ന്ന് ആളുകള്‍ വീടുകളില്‍ നിന്ന് പുറത്തേക്ക് ഓടിയതായും ഉദ്യോഗസ്ഥര്‍ പറഞ്ഞു.

ജില്ലാ ദുരന്ത നിവാരണ ഓഫീസിന്റെ കണക്കനുസരിച്ച് രാവിലെ 7.25 നാണ് റിക്ടര്‍ സ്‌കെയിലില്‍ 3.5 തീവ്രത രേഖപ്പെടുത്തിയ ഭൂചലനം ഉണ്ടായത്.

ബാഗേശ്വര്‍ ജില്ലാ ആസ്ഥാനത്ത് നിന്ന് ഏകദേശം 30 കിലോമീറ്റര്‍ അകലെയുള്ള കാപ്‌കോട്ട് പട്ടണത്തിനടുത്താണ് പ്രഭവകേന്ദ്രം. ജീവഹാനിയോ സ്വത്തുനാശമോ റിപ്പോര്‍ട്ട് ചെയ്തിട്ടില്ലെന്ന് ബാഗേശ്വര്‍ ജില്ലാ ദുരന്ത നിവാരണ ഓഫീസര്‍ ശിഖ സുയാല്‍ പറഞ്ഞു.