ഡല്‍ഹി: ബിഹാര്‍ തിരഞ്ഞെടുപ്പിനുള്ള ഇന്ത്യന്‍ തിരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരം വോട്ടര്‍ പട്ടിക പരിഷ്‌കരണ പ്രവര്‍ത്തനങ്ങള്‍ നടക്കുന്നു.
വോട്ടര്‍മാര്‍ക്ക് വോട്ട് ചെയ്യാനുള്ള അവകാശം നിഷേധിക്കുന്നുവെന്ന് ആരോപിച്ച് പ്രതിപക്ഷം തിരഞ്ഞെടുപ്പ് കമ്മീഷനെതിരെ ചോദ്യങ്ങള്‍ ഉന്നയിക്കുന്നു. ബീഹാറിലെ വോട്ടര്‍ പട്ടികയില്‍ കൃത്രിമം കാണിച്ചുവെന്ന ആരോപണങ്ങള്‍ തിരഞ്ഞെടുപ്പ് കമ്മീഷന്‍ നിഷേധിച്ചു.
ബിഹാറിലെ എസ്ഐആര്‍ വിഷയത്തില്‍ സുപ്രീം കോടതിയില്‍ സമര്‍പ്പിച്ച മറുപടിയില്‍ വോട്ടര്‍ പട്ടികയില്‍ നിന്ന് വ്യാജ വോട്ടര്‍മാരെ നീക്കം ചെയ്യുക എന്ന ഭരണഘടനാപരമായ ഉത്തരവാദിത്തം നിറവേറ്റുന്നുണ്ടെന്നും അതിനാല്‍ വോട്ടര്‍മാര്‍ക്ക് ഒരു പ്രശ്നവുമില്ലെന്നും കമ്മീഷന്‍ പറഞ്ഞു.
അതേസമയം, ആധാര്‍ കാര്‍ഡ്, വോട്ടര്‍ ഐഡി കാര്‍ഡ്, റേഷന്‍ കാര്‍ഡ് എന്നിവ ബീഹാറിലെ വോട്ടര്‍ പട്ടികയ്ക്ക് സാധുവായ രേഖകളാണെന്ന സുപ്രീം കോടതിയുടെ പ്രഥമദൃഷ്ട്യാ അഭിപ്രായത്തോട് തിരഞ്ഞെടുപ്പ് കമ്മീഷന്‍ വിയോജിപ്പ് പ്രകടിപ്പിച്ചു. ഇവ വിശ്വസിക്കാന്‍ കഴിയില്ലെന്ന് തിരഞ്ഞെടുപ്പ് കമ്മീഷന്‍ കോടതിയെ അറിയിച്ചു.
ആധാര്‍ ഒരു തിരിച്ചറിയല്‍ രേഖ മാത്രമാണെന്ന് തിരഞ്ഞെടുപ്പ് കമ്മീഷന്‍ പറഞ്ഞു. രാജ്യത്ത് ധാരാളം വ്യാജ റേഷന്‍ കാര്‍ഡുകള്‍ ഉണ്ട്; നിലവിലുള്ള വോട്ടിംഗ് കാര്‍ഡുകളെ ആശ്രയിക്കുന്നത് സ്‌പെഷ്യല്‍ ഡ്രൈവ് നിരര്‍ത്ഥകമാക്കും.
വോട്ടര്‍ പട്ടികയില്‍ പേരില്ലാത്തതിന്റെ പേരില്‍ ഒരാളുടെ പൗരത്വം റദ്ദാക്കില്ലെന്ന് തിരഞ്ഞെടുപ്പ് കമ്മീഷന്‍ പറ്ഞ്ഞു. വൈകുന്നേരം സുപ്രീം കോടതിയില്‍ സമര്‍പ്പിച്ച വിശദമായ സത്യവാങ്മൂലത്തില്‍, ഈ പ്രക്രിയയില്‍ വോട്ടറുടെ ഒരു നിയമവും മൗലികാവകാശങ്ങളും ലംഘിക്കപ്പെട്ടിട്ടില്ലെന്നും തിരഞ്ഞെടുപ്പ് കമ്മീഷന്‍ പറഞ്ഞു.
ഡിസംബറില്‍ പരിഷ്‌കരിച്ച മുന്‍ വോട്ടര്‍ പട്ടികയുടെ അടിസ്ഥാനത്തില്‍ എസ്ഐആര്‍ റദ്ദാക്കണമെന്നും നവംബറില്‍ നിയമസഭാ തിരഞ്ഞെടുപ്പ് നടത്തണമെന്നും ആവശ്യപ്പെട്ട് 11 പ്രതിപക്ഷ പാര്‍ട്ടികളും എന്‍ജിഒകളും ബീഹാറിലെ ചില നിവാസികളും സമര്‍പ്പിച്ച ഹര്‍ജി തള്ളണമെന്നും കോടതിയോട് ആവശ്യപ്പെട്ടു.
എസ്ഐആര്‍ പ്രക്രിയ പ്രകാരം, വോട്ടര്‍ പട്ടികയില്‍ പേര് ചേര്‍ക്കാന്‍ യോഗ്യനല്ലെന്ന് പ്രഖ്യാപിച്ചതിന്റെ പേരില്‍ ഒരാളുടെ പൗരത്വം റദ്ദാക്കില്ലെന്ന് ഇസി കോടതിയെ അറിയിച്ചു.
വ്യാജ റേഷന്‍ കാര്‍ഡുകള്‍ വ്യാപകമായി കാണപ്പെടുന്നതിനാല്‍, യോഗ്യത പരിശോധിക്കുന്നതിനുള്ള 11 രേഖകളുടെ പട്ടികയില്‍ അത് ഉള്‍പ്പെടുത്തിയിട്ടില്ലെന്നും ഇസി പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/07/22/ec-untitled-2025-07-22-11-12-25.jpg)