ആരാകും അടുത്ത മുഖ്യമന്ത്രി? മഹാരാഷ്ട്ര മുഖ്യമന്ത്രി സ്ഥാനം രാജിവെച്ച് ഏകനാഥ് ഷിന്‍ഡെ. പിന്‍ഗാമിയെ ഇതുവരെ പ്രഖ്യാപിച്ചില്ല

മുംബൈ: പുതിയ മഹാരാഷ്ട്ര മുഖ്യമന്ത്രിയെക്കുറിച്ചുള്ള ചര്‍ച്ചകള്‍ തുടരുന്നതിനിടെ സംസ്ഥാനത്തെ രാഷ്ട്രീയ അനിശ്ചിതത്വത്തിലേക്ക് തള്ളിവിട്ട് ഏകനാഥ് ഷിന്‍ഡെ മുഖ്യമന്ത്രി സ്ഥാനം രാജിവച്ചു.

'ഭരണം ശക്തിപ്പെടുത്താന്‍ പുതിയ നേതൃത്വത്തിന്റെ ആവശ്യകത' ചൂണ്ടിക്കാട്ടി ബിജെപി നേതാക്കളുമായും ശിവസേന എംഎല്‍എമാരുമായും രാത്രി നടത്തിയ കൂടിക്കാഴ്ചയ്ക്ക് ശേഷമാണ് ഷിന്‍ഡെ തന്റെ തീരുമാനം പ്രഖ്യാപിച്ചത്.

2024ലെ ലോക്സഭാ തെരഞ്ഞെടുപ്പിന് മുന്നോടിയായി രാഷ്ട്രീയ വെല്ലുവിളികള്‍ നേരിടാന്‍ ഭരണസഖ്യത്തിനുള്ളിലെ ഭിന്നതകളും സഖ്യകക്ഷിയായ ബി.ജെ.പി.യില്‍ നിന്നുള്ള സമ്മര്‍ദ്ദവും കണക്കിലെടുത്താണ് ഷിന്‍ഡെയുടെ രാജി.

ഔദ്യോഗിക സ്ഥിരീകരണം ഉണ്ടായിട്ടില്ലെങ്കിലും ഉപമുഖ്യമന്ത്രി ദേവേന്ദ്ര ഫഡ്നാവിസ് മുഖ്യമന്ത്രിയായേക്കുമെന്നും അഭ്യൂഹങ്ങളുണ്ട്.

തന്റെ ഭരണകാലത്ത് തന്നെ പിന്തുണച്ചതിന് പാര്‍ട്ടിയോടും മഹാരാഷ്ട്രയിലെ ജനങ്ങളോടും ഷിന്‍ഡെ നന്ദി രേഖപ്പെടുത്തി.

സംസ്ഥാനത്തെ സേവിക്കാന്‍ ഞാന്‍ എന്റെ കഴിവിന്റെ പരമാവധി ചെയ്തിട്ടുണ്ട്. ഇപ്പോള്‍ ഒരു പുതിയ മുഖത്തിന് മഹാരാഷ്ട്രയെ മുന്നോട്ട് നയിക്കാനുള്ള സമയമാണിതെന്ന് അദ്ദേഹം പറഞ്ഞു.

2022 ജൂണില്‍ അധികാരമേറ്റ ഷിന്‍ഡെ പണപ്പെരുപ്പം, അടിസ്ഥാന സൗകര്യ വികസനം, കര്‍ഷകരുടെ പരാതികള്‍ എന്നിവയുള്‍പ്പെടെയുള്ള പ്രധാന പ്രശ്നങ്ങള്‍ തന്റെ ഭരണകൂടം കൈകാര്യം ചെയ്തതില്‍ വിമര്‍ശനം നേരിട്ടിരുന്നു.