മഹാരാഷ്ട്രയുടെ അടുത്ത മുഖ്യമന്ത്രിയെക്കുറിച്ചുള്ള അഭ്യൂഹങ്ങള്‍ക്കിടയില്‍ നാട്ടിലേക്ക് പോയ ഏകനാഥ് ഷിന്‍ഡെയ്ക്ക് പനിയും ജലദോഷവും തൊണ്ടവേദനയും. മെഡിക്കല്‍ നിരീക്ഷണത്തിലെന്ന് റിപ്പോര്‍ട്ട്

മുംബൈ: മഹാരാഷ്ട്രയുടെ അടുത്ത മുഖ്യമന്ത്രിയെക്കുറിച്ചുള്ള അഭ്യൂഹങ്ങള്‍ക്കിടയില്‍ നാട്ടിലേക്ക് പോയ ഏകനാഥ് ഷിന്‍ഡെയുടെ ആരോഗ്യാവസ്ഥ മോശമെന്ന് റിപ്പോര്‍ട്ട്. പനിയും ജലദോഷവും തൊണ്ടവേദനയും മൂലം അദ്ദേഹം മെഡിക്കല്‍ നിരീക്ഷണത്തിലാണെന്നാണ് റിപ്പോര്‍ട്ട്.

സംസ്ഥാനത്തിന്റെ അടുത്ത മുഖ്യമന്ത്രിയെക്കുറിച്ചുള്ള അഭ്യൂഹങ്ങള്‍ക്കിടയില്‍ ഊഹാപോഹങ്ങള്‍ക്ക് തുടക്കമിട്ട് മഹാരാഷ്ട്രയുടെ കാവല്‍ മുഖ്യമന്ത്രിയായ ഏകനാഥ് ഷിന്‍ഡെ തന്റെ ജന്മനാടായ സത്താറയിലേക്ക് പോയിരുന്നു.

കഴിഞ്ഞ രണ്ട് ദിവസമായി പനിയും ജലദോഷവും തൊണ്ടയിലെ അണുബാധയും മൂലം ഷിന്‍ഡെ ബുദ്ധിമുട്ടുകയായിരുന്നുവെന്ന് അദ്ദേഹത്തിന്റെ കുടുംബ ഡോക്ടര്‍ ആര്‍എം പത്രേ പറഞ്ഞു.

അദ്ദേഹത്തിന് ആന്റിബയോട്ടിക്കുകളും സലൈനുകളും നല്‍കിയിട്ടുണ്ടെന്നും ഒന്നോ രണ്ടോ ദിവസത്തിനുള്ളില്‍ സുഖം പ്രാപിക്കുമെന്നും ഡോക്ടര്‍ പറഞ്ഞു.

അദ്ദേഹം ഇപ്പോള്‍ സുഖമായിരിക്കുന്നു. പനിയുടെ പാര്‍ശ്വഫലങ്ങളെ തുടര്‍ന്ന് 3-4 ഡോക്ടര്‍മാരുടെ സംഘത്തിന്റെ നിരീക്ഷണത്തിലാണ് അദ്ദേഹം, ഡോ.പത്രേ പറഞ്ഞു.