/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/03/03/untitled-2026-03-03-10-02-13.jpg)
മുംബൈ: പശ്ചിമേഷ്യന് സംഘര്ഷത്തെത്തുടര്ന്ന് തടസ്സപ്പെട്ട വിമാന സര്വീസുകള് ഭാഗികമായി പുനരാരംഭിച്ചതോടെ, ദുബായില് നിന്നുള്ള എമിറേറ്റ്സ് വിമാനം ചൊവ്വാഴ്ച രാവിലെ മുംബൈയില് സുരക്ഷിതമായി ഇറങ്ങി.
ദുബായില് നിന്നുള്ള എമിറേറ്റ്സ് വിമാനം ഇകെ 500 ആണ് മുംബൈ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളത്തില് എത്തിയത്.
കഴിഞ്ഞ കുറച്ച് ദിവസങ്ങളായി വിമാനങ്ങള് റദ്ദാക്കിയതിനെത്തുടര്ന്ന് ദുബായില് കുടുങ്ങിക്കിടന്ന യാത്രക്കാര്ക്ക് ഈ വാര്ത്ത വലിയ ആശ്വാസമായി. വിമാനത്താവള അധികൃതരും എയര്ലൈന് ഉദ്യോഗസ്ഥരും തമ്മിലുള്ള കൃത്യമായ ഏകോപനത്തിലൂടെയാണ് സര്വീസ് സാധ്യമായത്.
യുഎസ്-ഇസ്രായേല്-ഇറാന് സംഘര്ഷം മൂലം വ്യോമപാതകള് അടച്ചതിനെത്തുടര്ന്ന് ആയിരക്കണക്കിന് യാത്രക്കാരാണ് ഗള്ഫ് രാജ്യങ്ങളില് കുടുങ്ങിക്കിടക്കുന്നത്. വരും മണിക്കൂറുകളില് കൂടുതല് വിമാനങ്ങള് ഇന്ത്യയിലേക്ക് എത്തുമെന്നാണ് പ്രതീക്ഷിക്കുന്നത്.