പെണ്‍കുട്ടിയെ ബലാത്സംഗം ചെയ്ത് കൊലപ്പെടുത്തിയ കേസില്‍ പൊലീസ് തലക്ക് 50,000 രൂപ പ്രതിഫലം പ്രഖ്യാപിച്ചിരുന്ന മധ്യവയസ്‌കന്‍ യുപി പോലീസുമായുള്ള ഏറ്റുമുട്ടലില്‍ കൊല്ലപ്പെട്ടു

ഫറൂഖാബാദ്: യുപിയില്‍ പെണ്‍കുട്ടിയെ ബലാത്സംഗം ചെയ്ത് കൊലപ്പെടുത്തിയ കേസില്‍ തലയ്ക്ക് 50,000 രൂപ ഇനാം പ്രഖ്യാപിച്ച മധ്യവയസ്‌കന്‍ പോലീസ് ഏറ്റുമുട്ടലില്‍ കൊല്ലപ്പെട്ടു. 

കൈംഗഞ്ച് പോലീസ് സ്റ്റേഷന്‍ പരിധിയിലുള്ള പെണ്‍കുട്ടി മുഹമ്മദാബാദ് പോലീസ് സ്റ്റേഷന്‍ പരിധിയിലുള്ള ബന്ധുക്കളെ കാണാന്‍ പോയിരുന്നു. ജൂണ്‍ 27 ന് രാവിലെ പ്രതി അവിടെ നിന്ന് പെണ്‍കുട്ടിയെ തട്ടിക്കൊണ്ടുപോയി ബലാത്സംഗം ചെയ്ത ശേഷം കൊലപ്പെടുത്തി. 

ജൂണ്‍ 28 ന് രാവിലെ, മെയിന്‍പുരി ജില്ലയിലെ ഭോഗാവ് പോലീസ് സ്റ്റേഷന്‍ പരിധിയിലെ ദേവിപൂര്‍ ഗ്രാമത്തിന് സമീപം പെണ്‍കുട്ടിയുടെ മൃതദേഹം കണ്ടെത്തി. സംഭവത്തില്‍, പഖ്ന ഗ്രാമത്തിലെ താമസക്കാരനായ 55 വയസ്സുള്ള മനുവാണ് പ്രതിയെന്ന് കണ്ടെത്തി. 

മനുവിനെ പിടികൂടാന്‍ സഹായിക്കുന്നവര്‍ക്ക് പോലീസ് സൂപ്രണ്ട് ആരതി സിംഗ് 25,000 രൂപ പാരിതോഷികം പ്രഖ്യാപിച്ചിരുന്നു.

രാത്രി വൈകി, പോലീസ് പ്രതിയായ മധ്യവയസ്‌കനെ വളഞ്ഞപ്പോള്‍, അയാള്‍ പോലീസിന് നേരെ വെടിയുതിര്‍ത്തു. പോലീസിന്റെ പ്രതികാര നടപടിയില്‍, മധ്യവയസ്‌കന് വെടിയേറ്റു, ഗുരുതരമായി പരിക്കേറ്റു. ഇയാളെ ലോഹ്യ ആശുപത്രിയിലേക്ക് കൊണ്ടുപോയെങ്കിലും പ്രതി മരിച്ചതായി പ്രഖ്യാപിച്ചു. 

പോലീസ് സൂപ്രണ്ട് ആരതി സിങ്ങും അഡീഷണല്‍ പോലീസ് സൂപ്രണ്ട് ഡോ. സഞ്ജയ് കുമാറും സ്ഥലം പരിശോധിച്ചു. പോലീസ് ഏറ്റുമുട്ടലില്‍ കൊല്ലപ്പെട്ടയാളുടെ തലക്ക് 50,000 രൂപ പാരിതോഷികം പ്രിഖ്യാപിച്ചിരുന്നതായി എസ്പി പറഞ്ഞു.