വിശാഖപട്ടണത്തെ കെമിക്കൽ ഫാക്ടറിയിൽ വൻ തീപിടുത്തം, നാവികസേനയുടെ സഹായത്തോടെ മണിക്കൂറുകൾക്ക് ശേഷം നിയന്ത്രണവിധേയമാക്കി

വിശാഖപട്ടണം: ആന്ധ്രാപ്രദേശിലെ വിശാഖപട്ടണത്തുള്ള ഒരു കെമിക്കല്‍ ഫാക്ടറിയില്‍ തീപിടുത്തം ഉണ്ടായി. ഞായറാഴ്ച ഉച്ചകഴിഞ്ഞാണ് സംഭവം നടന്നത്. ഈസ്റ്റ് ഇന്ത്യ പെട്രോളിയം കെമിക്കല്‍സിലാണ് (ഇഐപിഎല്‍) വന്‍ തീപിടുത്തമുണ്ടായത്. 

ഇന്ത്യന്‍ നാവികസേന ഉടന്‍ തന്നെ നടപടി സ്വീകരിച്ച് അഗ്‌നിശമന സേനയെ സ്ഥലത്തെത്തിച്ചു, മണിക്കൂറുകള്‍ നീണ്ട പരിശ്രമത്തിനൊടുവില്‍ തീ നിയന്ത്രണ വിധേയമാക്കി.

വിശാഖപട്ടണത്തെ മെഥനോള്‍ സംഭരണിയില്‍ ഇടിമിന്നലേറ്റതായി വിവരം ലഭിച്ചു. ഈസ്റ്റ് ഇന്ത്യാ പെട്രോളിയം കെമിക്കല്‍സില്‍ 7,500 കിലോഗ്രാം മെഥനോള്‍ സംഭരണി ഉണ്ടായിരുന്നു, അതിനാലാണ് തീപിടുത്തമുണ്ടായത്.