സമുദ്രാതിർത്തി ലംഘനം: 14 തമിഴ്‌നാട് മത്സ്യത്തൊഴിലാളികളെ ശ്രീലങ്കൻ നാവികസേന അറസ്റ്റ് ചെയ്തു

ഡല്‍ഹി: വടക്കന്‍ സമുദ്ര മേഖലയിലെ കങ്കേശന്തുറൈയ്ക്ക് സമീപം അന്താരാഷ്ട്ര സമുദ്രാതിര്‍ത്തി ലംഘിച്ചുവെന്നാരോപിച്ച് പതിനാല് ഇന്ത്യന്‍ മത്സ്യത്തൊഴിലാളികളെ ശ്രീലങ്കന്‍ നാവികസേന അറസ്റ്റ് ചെയ്തു.

മയിലാടുതുറൈയിലെ ഒരു തുറമുഖത്ത് നിന്ന് കപ്പല്‍ കയറിയ മത്സ്യത്തൊഴിലാളികളെ പിടികൂടി കസ്റ്റഡിയിലെടുത്തു. പിന്നീട് അവരെ ഒരു നാവിക ക്യാമ്പിലേക്ക് മാറ്റി, ജാഫ്‌ന ഫിഷറീസ് വകുപ്പ് അധികൃതര്‍ക്ക് കൈമാറുമെന്ന് പ്രതീക്ഷിക്കുന്നു.

രാമേശ്വരത്ത് നിന്ന് 31 തമിഴ്നാട്ടില്‍ നിന്നുള്ളവരും നാല് പുതുച്ചേരിയില്‍ നിന്നുള്ളവരും ഉള്‍പ്പെടെ 35 മത്സ്യത്തൊഴിലാളികളെ അറസ്റ്റ് ചെയ്ത് ചോദ്യം ചെയ്യലിന് ശേഷം ജുഡീഷ്യല്‍ കസ്റ്റഡിയില്‍ വിട്ടതിന് ദിവസങ്ങള്‍ക്ക് ശേഷമാണ് ഇത്.

ഇതോടെ രാമനാഥപുരം, നാഗപട്ടണം, മയിലാടുതുറൈ ജില്ലകളില്‍ നിന്നുള്ള 64 മത്സ്യത്തൊഴിലാളികളെ സെപ്റ്റംബര്‍ മുതല്‍ ശ്രീലങ്കന്‍ അധികൃതര്‍ അറസ്റ്റ് ചെയ്തു.