പാനിപ്പത്തിൽ ചായ ഉണ്ടാക്കുന്നതിനിടെ ഗ്യാസ് സിലിണ്ടർ പൊട്ടിത്തെറിച്ചു, മൂന്ന് സഹോദരങ്ങൾക്ക് പൊള്ളലേറ്റു

പാനിപ്പത്ത്: ഹരിയാനയിലെ പാനിപ്പത്ത് ജില്ലയിലെ വിദ്യാനന്ദ് കോളനിയില്‍ ഒരു സിലിണ്ടറിന് തീപിടിച്ച് മൂന്ന് കുട്ടികള്‍ക്ക് ഗുരുതരമായി പൊള്ളലേറ്റു. സ്‌കൂളില്‍ നിന്ന് മടങ്ങിയെത്തിയ ശേഷം കുട്ടികള്‍ ചായ ഉണ്ടാക്കുന്നതിനിടെയാണ് സംഭവം. തീ മുറി മുഴുവന്‍ പടര്‍ന്നു.

കുട്ടികളുടെ നിലവിളി കേട്ട് അയല്‍ക്കാര്‍ ഉടന്‍ തന്നെ രക്ഷാപ്രവര്‍ത്തനത്തിനെത്തി. തീ അണച്ച ശേഷം അവരെ ജില്ലാ ആശുപത്രിയില്‍ പ്രവേശിപ്പിച്ചു. 60 ശതമാനം പൊള്ളലേറ്റ കുട്ടികളുടെ നില ഗുരുതരമാണ്. തീപിടുത്തത്തില്‍ മുറിയിലെ എല്ലാ സാധനങ്ങളും കത്തി നശിച്ചതായി സിവില്‍ സര്‍ജന്‍ ഡോ. വിജയ് മാലിക് പറഞ്ഞു.

വിദ്യാനന്ദ് കോളനിയിലെ താമസക്കാരിയായ അന്‍ഷിക ഒരു ഫാക്ടറിയില്‍ ജോലി ചെയ്യുകയാണ്. 10 വയസ്സുള്ള മകള്‍ ഖുഷിയും 6 വയസ്സുള്ള ജിയയും 4 വയസ്സുള്ള മകന്‍ വിരാടും ഒപ്പമുണ്ട്.

നവരാത്രി സമയത്ത് ഖുഷി ഉപവസിച്ചിരുന്നു. ശനിയാഴ്ച മൂന്ന് കുട്ടികളും സ്‌കൂളില്‍ പോയി ഉച്ചയ്ക്ക് 2 മണിയോടെയാണ് തിരിച്ചെത്തിയത്.

അന്‍ഷിക മകളോട് ചായ ഉണ്ടാക്കാന്‍ ആവശ്യപ്പെട്ടു. ഖുഷി ഗ്യാസ് സ്റ്റൗ കത്തിച്ചയുടനെ സിലിണ്ടര്‍ പൊട്ടിത്തെറിച്ച് തീ പിടിച്ചു.

കുട്ടികളുടെ നിലവിളി കേട്ട് അന്‍ഷികയുടെ സഹോദരന്‍ ആശിഷും സഹോദരീഭര്‍ത്താവ് റാംബീറും ചേര്‍ന്ന് തീ നിയന്ത്രണവിധേയമാക്കി. കത്തിക്കരിഞ്ഞ അവസ്ഥയില്‍ കുട്ടികളെ മുറിയില്‍ നിന്ന് പുറത്തെടുത്തു.