രാജ്യത്ത് സ്വര്‍ണത്തിന് ഇന്ന് 556 രൂപ കുറഞ്ഞു, 10 ഗ്രാമിന് വില 76,948 രൂപയിലെത്തി. വെള്ളി വിലയിലും വര്‍ധനവ്. 553 രൂപ കൂടി കിലോയ്ക്ക് 87,568 രൂപയിലെത്തി. 2024ൽ സ്വർണം 20 ശതമാനവും വെള്ളി 17 ശതമാനവും ആദായം നൽകി

തിരുവനന്തപുരം: സംസ്ഥാനത്ത് ഇന്ന് സ്വര്‍ണവിലയില്‍ മാറ്റമില്ല. 360 രൂപയാണ് ഇന്നലെ കുറഞ്ഞത്. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 57,720 രൂപയാണ്. 

രാജ്യത്ത് തിങ്കളാഴ്ച സ്വര്‍ണത്തിന്റെയും വെള്ളിയുടെയും വിലയില്‍ കുറവുണ്ട്. ഇന്ത്യ ബുള്ളിയന്‍ ആന്‍ഡ് ജ്വല്ലേഴ്സ് അസോസിയേഷന്റെ (ഐബിജെഎ) കണക്കനുസരിച്ച് 10 ഗ്രാം 24 കാരറ്റ് സ്വര്‍ണത്തിന് 556 രൂപ കുറഞ്ഞ് 76,948 രൂപയായി. വെള്ളിയാഴ്ച പത്ത് ഗ്രാമിന് 77,504 രൂപയായിരുന്നു വില

അതേ സമയം ഒരു കിലോ വെള്ളിയുടെ വില 553 രൂപ ഉയര്‍ന്ന് 87,568 രൂപയായി. വെള്ളിയുടെ വില കിലോഗ്രാമിന് 88,121 രൂപയായിരുന്നു.

കഴിഞ്ഞ വര്‍ഷം ഒക്ടോബര്‍ 30 ന് 10 ഗ്രാമിന് 79,681 രൂപ എന്ന എക്കാലത്തെയും ഉയര്‍ന്ന നിരക്കിലെത്തി. അതേ സമയം 2024 ഒക്ടോബര്‍ 23 ന് വെള്ളി അതിന്റെ എക്കാലത്തെയും ഉയര്‍ന്ന നിരക്കായ 99,151 രൂപയിലെത്തി

കഴിഞ്ഞ വര്‍ഷം ജനുവരി 1 നും ഡിസംബര്‍ 31 നും ഇടയില്‍ സ്വര്‍ണ്ണത്തിന്റെ വില 20.22% വര്‍ദ്ധിച്ചു. 2024 ജനുവരി ഒന്നിന് 24 കാരറ്റ് 10 ഗ്രാം സ്വര്‍ണത്തിന്റെ വില 63,352 രൂപയായിരുന്നു, ഇത് ഒരു വര്‍ഷത്തിനിടെ 12,810 രൂപ വര്‍ധിച്ച് 76,162 രൂപയായി.

അതേ സമയം ജനുവരി ഒന്നിന് ഒരു കിലോ വെള്ളി 73,395 രൂപയ്ക്കാണ് വിറ്റത്. വര്‍ഷത്തിന്റെ അവസാന ദിവസം വില 12,622 രൂപ ഉയര്‍ന്ന് 86,017 രൂപയിലെത്തി. ഒരു വര്‍ഷത്തിനിടെ വെള്ളി വില 17.19 ശതമാനം വര്‍ധിച്ചു.