മുഖ്യമന്ത്രിയുടെ യോഗത്തില്‍ അഞ്ച് ഉദ്യോഗസ്ഥര്‍ എത്തിയില്ല, നടപടി സ്വീകരിച്ച് യോഗി ആദിത്യനാഥ്

ഗോരഖ്പൂര്‍: സീറോ ടോളറന്‍സ് നയത്തില്‍ പ്രവര്‍ത്തിക്കുന്ന യോഗി സര്‍ക്കാരില്‍, അശ്രദ്ധ മൂലം അഞ്ച് ഉദ്യോഗസ്ഥര്‍ക്ക് വലിയ വില നല്‍കേണ്ടി വന്നു.

മുഖ്യമന്ത്രിയുടെ അവലോകന യോഗത്തില്‍ നിന്ന് വിട്ടുനിന്ന ഈ ഉദ്യോഗസ്ഥരുടെ ശമ്പളം ഡിവിഷണല്‍ കമ്മീഷണര്‍ അനില്‍ ധിംഗ്ര നിര്‍ത്തിവച്ചു. ഇവര്‍ക്കെല്ലാവര്‍ക്കുമെതിരെ വകുപ്പുതല നടപടി സ്വീകരിക്കണമെന്ന് ആവശ്യപ്പെട്ട് സര്‍ക്കാരിന് ഒരു കത്തും എഴുതിയിട്ടുണ്ട്. 

ആരോഗ്യ സേവനങ്ങളില്‍ പ്രത്യേക ശ്രദ്ധ ചെലുത്തുന്നതിനൊപ്പം രോഗി മാഫിയയ്ക്കെതിരെ കര്‍ശന നടപടിയെടുക്കാനും അവലോകന യോഗത്തില്‍ മുഖ്യമന്ത്രി നിര്‍ദ്ദേശം നല്‍കി. ഞായറാഴ്ച അനക്സ് കെട്ടിടത്തില്‍ മുഖ്യമന്ത്രിയുടെ അധ്യക്ഷതയില്‍ വികസന പദ്ധതികളുടെ അവലോകന യോഗം ചേര്‍ന്നു. 

ആരോഗ്യ സേവനങ്ങളെ ശക്തവും സമൃദ്ധവുമാക്കുന്നതിന് ഊന്നല്‍ നല്‍കിയ യോഗി, സംസ്ഥാനത്ത് മാഫിയ ഭരണം നശിപ്പിക്കപ്പെട്ടുവെന്ന് പറഞ്ഞു. 

വൈദ്യശാസ്ത്രരംഗത്ത്, രോഗികളെ പ്രവേശിപ്പിക്കുന്നതില്‍ ആംബുലന്‍സ് മാഫിയയോ ഇടനിലക്കാരോ പങ്കുവഹിക്കുന്നുണ്ടെന്ന് ചിലപ്പോള്‍ പരാതികള്‍ ഉണ്ടാകാറുണ്ട്.

ഇതില്‍ തുടര്‍ച്ചയായ കര്‍ശനത ആവശ്യമാണ്. വൈദ്യശാസ്ത്രരംഗത്ത് ഒരു മാഫിയയും വളരാതിരിക്കാന്‍ അത്തരം നടപടികള്‍ സ്വീകരിക്കണെമെന്നും അദ്ദേഹം നിര്‍ദേശിച്ചു.