'5,189 വിസകൾ അനുവദിച്ചു, 16,000 അമേരിക്കക്കാരെ പിരിച്ചുവിട്ടു', എച്ച്-1ബി വിസ തീരുമാനത്തിൽ വ്യക്തത വരുത്തി യുഎസ്

വാഷിംഗ്ടണ്‍: യുഎസ് എച്ച്1-ബി വിസ പ്രശ്‌നം ലോകമെമ്പാടും കോളിളക്കം സൃഷ്ടിച്ചു. വൈറ്റ് ഹൗസില്‍ നിന്നുള്ള ഈ വസ്തുതാപത്രം അനുസരിച്ച്, പല അമേരിക്കന്‍ കമ്പനികളും മറ്റ് രാജ്യങ്ങളില്‍ നിന്നുള്ള ആളുകളെ എച്ച്1ബി വിസകളില്‍ കുറഞ്ഞ ശമ്പളത്തില്‍ നിയമിക്കുകയും ധാരാളം അമേരിക്കക്കാരെ പിരിച്ചുവിടുകയും ചെയ്യുന്നു.

2023-ല്‍ ഐടി മേഖലയില്‍ എച്ച്1-ബി വിസകള്‍ക്കുള്ള ആവശ്യം 32 ശതമാനത്തില്‍ നിന്ന് 65 ശതമാനമായി ഉയര്‍ന്നതായി വൈറ്റ് ഹൗസ് പറയുന്നു. അമേരിക്കന്‍ യുവാക്കള്‍ക്കിടയില്‍ തൊഴിലില്ലായ്മ വര്‍ദ്ധിക്കുന്നതിന് എച്ച്1-ബി വിസകള്‍ കാരണമാകുന്നുണ്ടെന്ന് ഇത് സൂചിപ്പിക്കുന്നു.

കമ്പനികള്‍ അമേരിക്കന്‍ യുവാക്കള്‍ക്ക് മുന്‍ഗണന നല്‍കണമെന്ന് ആവശ്യപ്പെടുന്ന അമേരിക്ക ഫസ്റ്റ് നയത്തിന്റെ ഭാഗമാണിതെന്ന് വൈറ്റ് ഹൗസ് പറയുന്നു.

യുഎസിലെ എച്ച്1-ബി വിസകളില്‍ 70 ശതമാനത്തിലധികവും ഇന്ത്യക്കാര്‍ക്കാണ് ലഭിച്ചിരുന്നത്. ഇപ്പോള്‍, എച്ച്1-ബി വിസ ലഭിക്കുന്നതിന് 100,000 ഡോളര്‍ (ഏകദേശം 90 ലക്ഷം രൂപ) ഫീസ് നല്‍കേണ്ടിവരും. ഞായറാഴ്ച പുലര്‍ച്ചെ 12 മണി മുതല്‍ ഈ ഉത്തരവ് പ്രാബല്യത്തില്‍ വന്നു.