ഡെറാഡൂണിലേക്കുള്ള യാത്രാമധ്യേ ഉത്തരാഖണ്ഡ് മുൻ മുഖ്യമന്ത്രി ഹരീഷ് റാവത്ത് വാഹനാപകടത്തിൽ നിന്ന് രക്ഷപ്പെട്ടു

ഡല്‍ഹി: ശനിയാഴ്ച ഡല്‍ഹിയില്‍ നിന്ന് ഡെറാഡൂണിലേക്കുള്ള യാത്രയ്ക്കിടെ കങ്കര്‍ഖേഡയ്ക്ക് സമീപം ഉണ്ടായ വാഹനാപകടത്തില്‍ ഉത്തരാഖണ്ഡ് മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഹരീഷ് റാവത്ത് പരിക്കേല്‍ക്കാതെ രക്ഷപ്പെട്ടു. തിരക്കേറിയ ഹൈവേയിലൂടെയുള്ള യാത്രയ്ക്കിടെയാണ് സംഭവം.

ആര്‍ക്കും ഗുരുതരമായ പരിക്കുകള്‍ റിപ്പോര്‍ട്ട് ചെയ്തിട്ടില്ല. റാവത്തിന്റെ സുരക്ഷാ ഉദ്യോഗസ്ഥരും പ്രാദേശിക അധികാരികളും ഉടന്‍ തന്നെ സാഹചര്യത്തെ നേരിട്ടു.

വരാനിരിക്കുന്ന ബീഹാര്‍ നിയമസഭാ തെരഞ്ഞെടുപ്പില്‍ മഹാഗത്ബന്ധന്‍ സഖ്യം വിജയിക്കുമെന്ന് കോണ്‍ഗ്രസ് വര്‍ക്കിംഗ് കമ്മിറ്റി (സിഡബ്ല്യുസി) അംഗമായ റാവത്ത് അടുത്തിടെ ശുഭാപ്തിവിശ്വാസം പ്രകടിപ്പിച്ചിരുന്നു. 

വരാനിരിക്കുന്ന നിയമസഭാ തെരഞ്ഞെടുപ്പില്‍ രാജ്യത്തിന് മുഴുവന്‍ മാറ്റത്തിന്റെ പാത കാണിച്ചുകൊടുക്കാന്‍ ബീഹാര്‍ കാത്തിരിക്കുകയാണെന്ന് അദ്ദേഹം പറഞ്ഞു.

243 സീറ്റുകളുള്ള ബീഹാര്‍ നിയമസഭയിലേക്കുള്ള തിരഞ്ഞെടുപ്പ് നവംബര്‍ 6 നും നവംബര്‍ 11 നും രണ്ട് ഘട്ടങ്ങളായി നടക്കും, വോട്ടെണ്ണല്‍ നവംബര്‍ 14 ന് നടക്കും.