ലോകമെമ്പാടും അനുഭാവികളുള്ള ശക്തികൾക്കെതിരെയാണ് അസം പോരാടുന്നത്. സംസ്ഥാനത്ത് ഹിന്ദുക്കൾക്കെതിരെ ഗോമാംസം ആയുധമാക്കുന്നുണ്ടെന്ന് ഹിമന്ത ബിശ്വ ശർമ്മ

ഗുവാഹത്തി: ഈദ് ആഘോഷങ്ങള്‍ക്ക് ശേഷം പൊതുസ്ഥലങ്ങളില്‍ മാംസക്കഷണങ്ങള്‍ എറിയുന്ന സംഭവങ്ങള്‍ ചൂണ്ടിക്കാട്ടി അസം മുഖ്യമന്ത്രി ഹിമന്ത ബിശ്വ ശര്‍മ്മ രംഗത്ത്. സംസ്ഥാനത്ത് ഹിന്ദുക്കള്‍ക്കെതിരെ ഗോമാംസം ആയുധമാക്കുന്നുണ്ടെന്ന് അദ്ദേഹം ആരോപിച്ചു.

നിയമവിരുദ്ധമായി താമസിക്കുന്ന മറ്റ് രാജ്യങ്ങളില്‍ നിന്നുള്ള ആളുകളെ തിരിച്ചയക്കുന്നതിന് അസമിലെ ജനങ്ങള്‍ 'വിട്ടുവീഴ്ചയില്ലാത്ത' സമീപനം സ്വീകരിക്കേണ്ടിവരുമെന്ന് അദ്ദേഹം പറഞ്ഞു.

ലോകമെമ്പാടും അനുഭാവമുള്ള ശക്തികള്‍ക്കെതിരെയാണ് അസം പോരാടുന്നതെന്ന് അദ്ദേഹം പറഞ്ഞു.

ബിജെപിയുടെ സംസ്ഥാന ഓഫീസില്‍ മാധ്യമങ്ങളോട് സംസാരിക്കവെ, നേരത്തെ കുറച്ച് മുസ്ലീം കുടുംബങ്ങള്‍ ഹിന്ദുക്കളുടെ അയല്‍പക്കത്ത് താമസിച്ചിരുന്നെങ്കില്‍, അവര്‍ ഹിന്ദുക്കള്‍ക്ക് ഒരു പ്രശ്നവും സൃഷ്ടിക്കാതിരിക്കാന്‍ ശ്രമിച്ചിരുന്നുവെന്ന് മുഖ്യമന്ത്രി നേരത്തെ പറഞ്ഞിരുന്നു. 

അവര്‍ക്ക് ഗോമാംസം കഴിക്കണമെങ്കില്‍ അവര്‍ മുസ്ലീം ആധിപത്യമുള്ള പ്രദേശങ്ങളില്‍ താമസിക്കുന്ന അവരുടെ ആളുകളുടെ അടുത്തേക്ക് പോകുമായിരുന്നു.

എന്നാല്‍ ഇപ്പോള്‍ ഭക്ഷണ അവശിഷ്ടങ്ങളും മാലിന്യങ്ങളും വലിച്ചെറിയുന്ന അവസ്ഥയിലേക്ക് അവര്‍ മാറിയിരിക്കുന്നു, അതിനാല്‍ അയല്‍പക്കത്തുള്ള ഹിന്ദുക്കള്‍ക്ക് ഒടുവില്‍ സ്ഥലം വിടേണ്ടി വരുന്നുവെന്ന് അദ്ദേഹം പറഞ്ഞു.