ഓപ്പറേഷന്‍ സിന്ദൂരില്‍ ആവേശത്തോടെ പാകിസ്ഥാനെതിരെ സംസാരിച്ചു. പ്രകോപിതനായി കുട്ടിയെ കത്തികൊണ്ട് ആക്രമിച്ച് യുവാവ്

ഷാജഹാന്‍പൂര്‍: വ്യോമാക്രമണത്തില്‍ ഭീകരര്‍ കൊല്ലപ്പെട്ടതിനെത്തുടര്‍ന്ന് പാകിസ്ഥാനെക്കുറിച്ചുള്ള പരാമര്‍ശത്തില്‍ പ്രകോപിതനായി  പ്രായപൂര്‍ത്തിയാകാത്ത കുട്ടിയെ കത്തികൊണ്ട് ആക്രമിച്ച് മുസ്ലീം യുവാവ്. രോഷാകുലരായ ഹിന്ദു സംഘടനകള്‍ പ്രദേശത്ത് എത്തി ബഹളം വച്ചു. പ്രതിയെ പോലീസ് അറസ്റ്റ് ചെയ്തു. 

ഇയാളുടെ കൂട്ടാളിയെ കണ്ടെത്താനുള്ള അന്വേഷണം പുരോഗമിക്കുകയാണ്.

ധര്‍മ്മംഗദ്പൂര്‍ ഗ്രാമത്തിലെ താമസക്കാരനായ ലാല്‍ ബഹദൂറിന്റെ 14 വയസ്സുള്ള മകന്‍ സുര്‍ജീതിനാണ് പരിക്കേറ്റത്. വ്യോമാക്രമണത്തെക്കുറിച്ചുള്ള ചര്‍ച്ചയ്ക്കിടെ പാകിസ്ഥാനെതിരെ കുട്ടി അഭിപ്രായം പറഞ്ഞു. 

ഇതിനെതിരെ അടുത്തുള്ള മൊത്തവ്യാപാര മാര്‍ക്കറ്റിലുണ്ടായിരുന്ന കത്ര ബസാര്‍ മൊഹല്ലയിലെ താമസക്കാരനായ മൊയീദ് ഖാന്‍ എതിര്‍പ്പു പ്രകടിപ്പിച്ചു.

ഒരു രാജ്യത്തെക്കുറിച്ചും ഇങ്ങനെ സംസാരിക്കരുതെന്ന് അദ്ദേഹം പറഞ്ഞു. വീണ്ടും കുട്ടി കമന്റ് പറഞ്ഞപ്പോള്‍, അയാള്‍ സുര്‍ജിത്തിനെ കത്തികൊണ്ട് ആക്രമിച്ചു.

വിവരം ലഭിച്ചയുടന്‍ ഹിന്ദു സംഘടനകളില്‍ നിന്നുള്ള ആളുകള്‍ എത്തി ബഹളം വയ്ക്കാന്‍ തുടങ്ങി. തുടര്‍ന്ന് പോലീസ് പ്രതിയെ പിടികൂടി.