എച്ച്എംപിവിയുടെ ലക്ഷണങ്ങള്‍ കാണിക്കുന്നുണ്ടെങ്കില്‍ പൊതുസ്ഥലങ്ങളിലേക്ക് പോകരുത്. തിരക്കേറിയ സ്ഥലങ്ങളില്‍ മാസ്‌ക് ധരിക്കണം. ചൈനയില്‍ വീണ്ടും കൊവിഡ്19 ന് സമാനമായ നിയന്ത്രണങ്ങള്‍. പലയിടത്തും ചെറിയ രീതിയില്‍ ലോക്ക്ഡൗണ്‍

ഡല്‍ഹി: ഹ്യൂമന്‍ മെറ്റാപ്ന്യൂമോവൈറസ് പൊട്ടിപ്പുറപ്പെടുന്നതിനിടയില്‍ ചൈനയില്‍ വീണ്ടും കൊവിഡ്19 ന് സമാനമായ നിയന്ത്രണങ്ങള്‍ പുറപ്പെടുവിച്ചതായി റിപ്പോര്‍ട്ട്. ചൈനയില്‍ പലയിടത്തും ചെറിയ ലോക്ക്ഡൗണ്‍ പോലുള്ള സാഹചര്യങ്ങളുണ്ട്. 

ഇന്ത്യയിലും വൈറസ് സ്ഥിരീകരിച്ചിട്ടുണ്ട്. ചുമയ്ക്കുകയോ തുമ്മുകയോ ചെയ്താല്‍ തൂവാല കൊണ്ട് വായും മൂക്കും മൂടണമെന്ന് ഗുജറാത്ത് ആരോഗ്യവകുപ്പ് ഉപദേശിക്കുന്നുണ്ട്

ബീഹാര്‍, ഹരിയാന നഗരങ്ങളിലും ഇത്തരം പ്രാദേശിക ജാഗ്രതാ നിര്‍ദേശങ്ങള്‍ നല്‍കിയിട്ടുണ്ട്.

എച്ച്എംപിവിയുടെ ലക്ഷണങ്ങള്‍ കാണിക്കുന്നുണ്ടെങ്കില്‍ പൊതുസ്ഥലങ്ങള്‍ ഒഴിവാക്കാനും തിരക്കേറിയ സ്ഥലങ്ങളില്‍ മാസ്‌ക് ധരിക്കാനും പ്രാദേശിക ഭരണകൂടം ജനങ്ങളോട് നിര്‍ദ്ദേശിച്ചിട്ടുണ്ട്.

വൈറസില്‍ നിന്ന് സ്വയം പരിരക്ഷിക്കുന്നതിന് മോശം വായുസഞ്ചാരമുള്ളതോ തിരക്കേറിയതോ ആയ സ്ഥലങ്ങളില്‍ ആളുകള്‍ മാസ്‌ക് ധരിക്കണമെന്നും വിദഗ്ധര്‍ നിര്‍ദേശിച്ചു.

കൊവിഡ്19 പോലെ തുമ്മല്‍, ചുമ, രോഗബാധിതനായ വ്യക്തിയുമായുള്ള വ്യക്തിപരമായ സമ്പര്‍ക്കം എന്നിവയിലൂടെ എച്ച്എംപിവി പടരുന്നു

കൂടാതെ മാസ്‌ക് ധരിക്കുന്നത് വായുവിലൂടെയുള്ള വൈറസ് ശ്വസിക്കാനുള്ള ഒരു വ്യക്തിയുടെ സാധ്യത കുറയ്ക്കുമെന്നാണ് പ്രതീക്ഷിക്കുന്നത്.