കളിക്കുന്നതിനിടെ അബദ്ധത്തിൽ ലിഫ്റ്റിന്റെ ​ഗ്രില്ലുകൾക്കിടയിൽ കുടുങ്ങി. നാലു വയസുകാരൻ മരിച്ചു

ഹൈദരാബാദ് : കളിക്കുന്നതിനിടെ അബദ്ധത്തിൽ ലിഫ്റ്റിൽ കുടുങ്ങി നാലു വയസുകാരൻ മരിച്ചു.

ഹൈ​ദരാബാദിലെ സന്തോഷ് ന​ഗറിലെ മുജ്താബ അപാർട്മെന്റിലെ സെക്യൂരിറ്റി ജീവനക്കാരനായ നേപ്പാൾ സ്വദേശി ശ്യാം ബഹദൂറിന്റെ മകൻ നരേന്ദറാണ് മരിച്ചത്.

ലിഫ്റ്റിനോട് ചേർന്നുള്ള മുറിയിലാണ് ശ്യാമും കുടുംബവും താമസിച്ചിരുന്നത്.

കളിക്കുന്നതിനിടെ കുട്ടി അബദ്ധത്തിൽ ലിഫ്റ്റിന്റെ ​ഗ്രില്ലുകൾക്കിടയിൽ കുടുങ്ങുകയായിരുന്നു. 

കുട്ടിയെ കാണാത്തതിനെത്തുടർന്ന് മാതാപിതാക്കൾ നടത്തിയ അന്വേഷണത്തിലാണ് ചോരയിൽ കുളിച്ച നിലയിൽ ലിഫ്റ്റിൽ കുടുങ്ങിക്കിടക്കുന്ന കുട്ടിയെ കണ്ടത്. 

ഉടൻ തന്നെ ആശുപത്രിയിലെത്തിച്ചെങ്കിലും മരിച്ചിരുന്നു. സംഭവത്തിൽ ആസിഫ് ന​ഗർ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.