കള്ളപ്പണം വെളുപ്പിക്കൽ കേസ്. ആന്ധ്രാപ്രദേശ് മുൻ മുഖ്യമന്ത്രി വൈ.എസ്. ജഗൻ മോഹൻ റെഡ്ഡിയുടെ 27.5 കോടി രൂപയുടെ ഓഹരികൾ എൻഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടി

ഹൈദരാബാദ്: കള്ളപ്പണം വെളുപ്പിക്കൽ കേസുമായി ബന്ധപ്പെട്ട് ആന്ധ്രാപ്രദേശ് മുൻ മുഖ്യമന്ത്രി വൈ.എസ്. ജഗൻ മോഹൻ റെഡ്ഡിയുടെ 27.5 കോടി രൂപയുടെ ഓഹരികൾ എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി.) താൽക്കാലികമായി കണ്ടുകെട്ടി.

വൈഎസ്ആർ കോൺഗ്രസ് പാർട്ടി മേധാവിയുടെ ഓഹരികൾക്കൊപ്പം, ഡാൽമിയ സിമന്റ്‌സ് ഭാരത് ലിമിറ്റഡിന്റെ (ഡിസിബിഎൽ) ഉടമസ്ഥതയിലുള്ള 377.2 കോടി രൂപയുടെ ഭൂമിയും ഇതേ കേസിൽ കേന്ദ്ര ഏജൻസി കണ്ടുകെട്ടി. കേസ് രജിസ്റ്റർ ചെയ്ത് 14 വർഷത്തിന് ശേഷമാണ് നിയമപരമായ നടപടി.