കന്നഡ ചലച്ചിത്ര -സീരിയല്‍ താരം ശോഭിത ശിവണ്ണയെ മരിച്ച നിലയിൽ കണ്ടെത്തി

ഹൈദരാബാദ്: ചലച്ചിത്രതാരത്തെ വീട്ടിനുള്ളില്‍ മരിച്ച നിലയില്‍ കണ്ടെത്തി. കന്നഡ ചലച്ചിത്ര -സീരിയല്‍ താരം ശോഭിത ശിവണ്ണ(32) ആണ് മരിച്ചത്.

നിരവധി കന്നഡ സിനിമകളിലും സീരിയലുകളിലും അഭിനയിച്ചിട്ടുള്ള താരം കഴിഞ്ഞ വര്‍ഷമാണ് വിവാഹിതയായത്. വിവാഹത്തിനുശേഷം നടി ഹൈദരാബാദിലാണ് താമസിച്ചിരുന്നത്.മരിക്കാനുള്ള സാഹചര്യം വ്യക്തമല്ല. അന്വേഷണം നടക്കുകയാണെന്ന് പൊലീസ് അറിയിച്ചു.

ആത്മഹത്യാക്കുറിപ്പുകളൊന്നും കണ്ടെത്തിയിട്ടില്ല. ഗച്ചിബൗളി പൊലീസ് കേസെടുത്തു.