സൂറത്തില്‍ മൂന്നു പെണ്‍കുട്ടികള്‍ ദുരൂഹ സാഹചര്യത്തില്‍ മരിച്ച നിലയില്‍. ഐസ്‌ക്രീം കഴിച്ച മൂന്നു പേരും ഛര്‍ദ്ദിച്ചു, ഹീറ്ററിലെ പുക ശ്വസിച്ചതെന്നും സംശയം

സൂറത്ത്: സൂറത്തില്‍ മൂന്നു പെണ്‍കുട്ടികള്‍ ദുരൂഹ സാഹചര്യത്തില്‍ മരിച്ച നിലയില്‍. സൂറത്തിലെ സച്ചിന്‍ പാലി ഗ്രാമത്തിലാണ് സംഭവം. 12, 14, 8 വയസ് പ്രായമുള്ള കുട്ടികളാണ് മരിച്ചത്. 

ഇന്നലെ ഐസ്‌ക്രീം കഴിച്ച് മൂന്ന് പെണ്‍കുട്ടികളുടെയും ആരോഗ്യനില വഷളാവുകയും ഛര്‍ദ്ദിച്ച് അവശരായ മൂവരെയും സ്വകാര്യ ആശുപത്രിയില്‍ പ്രവേശിപ്പിച്ച ശേഷം സിവില്‍ ആശുപത്രിയിലേക്ക് മാറ്റുകയും ചെയ്തിരുന്നു.

പെണ്‍കുട്ടികളുടെ മരണത്തിന്റെ യഥാര്‍ത്ഥ കാരണം ഇതുവരെ അറിവായിട്ടില്ല. മൂന്ന് പേരും ഹീറ്ററിന് സമീപം ഇരിക്കുകയായിരുന്നുവെന്നാണ് റിപ്പോര്‍ട്ട്. പുക ശ്വസിച്ച് ശ്വാസം മുട്ടി മരിച്ചതാണോ എന്ന സംശയവും ഉയരുന്നുണ്ട്.