ശ്രീവില്ലിപൂത്തൂര്‍ ആണ്ടാള്‍ ക്ഷേത്ര ദര്‍ശനത്തിനെത്തിയ ഇളയരാജയെ അര്‍ഥമണ്ഡപത്തില്‍ കയറുന്നതില്‍നിന്ന് തടഞ്ഞു. വിവാദം ശക്തം

ചെന്നൈ: ശ്രീവില്ലിപൂത്തൂര്‍ ആണ്ടാള്‍ ക്ഷേത്ര ദര്‍ശനത്തിനെത്തിയ സംഗീത സംവിധായകന്‍ ഇളയരാജയെ അര്‍ഥമണ്ഡപത്തില്‍ കയറുന്നതില്‍നിന്ന് തടഞ്ഞതിനെച്ചൊല്ലി വിവാദം. 

ശ്രീവില്ലിപൂത്തൂര്‍ ആണ്ടാള്‍ ക്ഷേത്രത്തിലെത്തിയ ഇളയരാജയെ തമിഴ്നാട് ദേവസ്വം വകുപ്പ് അധികൃതര്‍ സ്വീകരിച്ചു. തുടര്‍ന്ന് പെരിയ പെരുമാള്‍ ക്ഷേത്രം, നന്ദാവനം തുടങ്ങിയവയില്‍ അദ്ദേഹം ദര്‍ശനം നടത്തി

ഇതിനു പിന്നാലെ ആണ്ടാള്‍ ക്ഷേത്രത്തിന്റെ ശ്രീകോവിലിന് മുന്നിലുള്ള അര്‍ത്ഥമണ്ഡപത്തില്‍ പ്രവേശിക്കുന്നതില്‍ നിന്നാണ് തടഞ്ഞത്. തുടര്‍ന്ന് അദ്ദേഹം അര്‍ത്ഥ മണ്ഡപത്തിന് പുറത്തു നിന്ന് പ്രാര്‍ത്ഥന നടത്തി.

ക്ഷേത്രത്തിലെത്തിയ ഇളയരാജയെ പുരോഹിതന്മാര്‍ മാല അണിയിച്ചു ആദരിച്ചു.

ഇളയരാജയെ തടഞ്ഞതില്‍, പരമ്പരാഗത ആചാരങ്ങളെ രൂക്ഷമായി വിമര്‍ശിച്ച് സമൂഹമാധ്യമങ്ങളില്‍ രൂക്ഷ പ്രതികരണങ്ങളാണ് ഉയരുന്നത്

അര്‍ഥമണ്ധപത്തില്‍ പുരോഹിതര്‍ക്കു മാത്രമാണ് പ്രവേശനം എന്നാണ് ഒരു വിഭാഗം ചൂണ്ടിക്കാട്ടുന്നത്.