ഡൽഹിയിൽ താപനില 2.9 ഡിഗ്രി സെൽഷ്യസായി താഴ്ന്നു, 13 വർഷത്തിനിടയിലെ ഏറ്റവും തണുപ്പ്; ഓറഞ്ച് അലർട്ട് പ്രഖ്യാപിച്ചു

ഡല്‍ഹി: 13 വര്‍ഷത്തിനിടയിലെ ഏറ്റവും തണുപ്പുള്ള രാത്രിയാണ് ഡല്‍ഹിയില്‍ രേഖപ്പെടുത്തിയത്. ഡല്‍ഹി നിവാസികള്‍ കടുത്ത തണുപ്പിന്റെ പിടിയിലാണ്.

ഏറ്റവും കുറഞ്ഞ താപനില 2.9 ഡിഗ്രി സെല്‍ഷ്യസായി കുറഞ്ഞു. ദീര്‍ഘകാലമായി നിലനില്‍ക്കുന്ന റെക്കോര്‍ഡ് തണുപ്പ് ഭേദിച്ചതിനെ തുടര്‍ന്ന് ഇന്ത്യന്‍ കാലാവസ്ഥാ വകുപ്പ് (ഐഎംഡി) നഗരത്തില്‍ ഓറഞ്ച് അലേര്‍ട്ട് പ്രഖ്യാപിച്ചു.

ഈ സീസണിലെ ആദ്യ തണുപ്പ് നഗരത്തില്‍ അനുഭവപ്പെട്ടു, ചില സ്ഥലങ്ങളില്‍ താപനില 3.0 ഡിഗ്രി സെല്‍ഷ്യസില്‍ താഴെയായി. അയനഗറാണ് നഗരത്തിലെ ഏറ്റവും തണുപ്പുള്ള സ്ഥലം, കുറഞ്ഞത് 2.9 ഡിഗ്രി സെല്‍ഷ്യസും, പാലം സ്റ്റേഷനില്‍ 13 വര്‍ഷത്തിനിടയിലെ ഏറ്റവും കുറഞ്ഞ താപനില 3.0 ഡിഗ്രി സെല്‍ഷ്യസും രേഖപ്പെടുത്തി. 

ഡല്‍ഹിയിലെ പ്രധാന കാലാവസ്ഥാ കേന്ദ്രമായ സഫ്ദര്‍ജംഗ് ഒബ്‌സര്‍വേറ്ററിയില്‍ സീസണല്‍ ശരാശരിയേക്കാള്‍ 2.6 ഡിഗ്രി കുറവ് 4.8 ഡിഗ്രി സെല്‍ഷ്യസും, പരമാവധി താപനില സാധാരണയേക്കാള്‍ 1.1 ഡിഗ്രി കുറവ് 18.8 ഡിഗ്രി സെല്‍ഷ്യസും രേഖപ്പെടുത്തിയതായി ഐഎംഡി ഡാറ്റ വ്യക്തമാക്കുന്നു.