ജനജീവിതം ദുഷ്‌കരമാക്കി ഉത്തരേന്ത്യയില്‍ കൊടും ചൂട്. അടുത്ത 5 ദിവസത്തേക്ക് കടുത്ത ചൂട് ഉണ്ടാകുമെന്ന് കാലാവസ്ഥാ വകുപ്പ് മുന്നറിയിപ്പ്. മണിക്കൂറില്‍ 20 മുതല്‍ 30 കിലോമീറ്റര്‍ വരെ വേഗതയില്‍ പൊടിക്കാറ്റ് വീശാന്‍ സാധ്യത. ജൂണ്‍ 12 ന് ശേഷം കനത്ത മഴ

ഡല്‍ഹി:  ഉത്തരേന്ത്യയിലെ ജനങ്ങളുടെ ജീവിതം ദുഷ്‌കരമാക്കി കൊടും ചൂട്. അടുത്ത 5 ദിവസത്തേക്ക് ഉത്തരേന്ത്യയില്‍ കടുത്ത ചൂട് ഉണ്ടാകുമെന്ന് കാലാവസ്ഥാ വകുപ്പ് മുന്നറിയിപ്പ് നല്‍കിയിട്ടുണ്ട്. 

ഡല്‍ഹി-എന്‍സിആര്‍, ബീഹാര്‍, ഉത്തര്‍പ്രദേശ്, രാജസ്ഥാന്‍ എന്നിവയുള്‍പ്പെടെ പല സംസ്ഥാനങ്ങളിലും അടുത്ത കുറച്ച് ദിവസത്തേക്ക് മെര്‍ക്കുറി 40 ഡിഗ്രി സെല്‍ഷ്യസ് കടന്നേക്കാം.

മെയ് 16 ന് ശേഷം ഡല്‍ഹിയില്‍ താപനിലയില്‍ തുടര്‍ച്ചയായ വര്‍ധനവ് രേഖപ്പെടുത്തി. 22 ദിവസങ്ങള്‍ക്ക് ശേഷം, ഞായറാഴ്ച, പരമാവധി താപനില 42 ഡിഗ്രി കടന്നു.

അതേസമയം ചൂട് സൂചിക 47.2 ഡിഗ്രി ആയിരുന്നു. അടുത്ത 2 മുതല്‍ 3 ദിവസം വരെ ആകാശം തെളിഞ്ഞതായി തുടരുമെന്ന് കാലാവസ്ഥാ വകുപ്പ് സൂചിപ്പിച്ചു.

എന്നാല്‍, ചില സമയങ്ങളില്‍ മണിക്കൂറില്‍ 20 മുതല്‍ 30 കിലോമീറ്റര്‍ വരെ വേഗതയില്‍ പൊടിക്കാറ്റ് വീശാന്‍ സാധ്യതയുണ്ട്. തിങ്കള്‍, ചൊവ്വ ദിവസങ്ങളിലും പൊടിക്കാറ്റിന് സാധ്യതയുണ്ട്. ജൂണ്‍ 12 ന് ശേഷം ആകാശം മേഘാവൃതമായി തുടരും. കൂടാതെ കനത്ത മഴയും പ്രതീക്ഷിക്കുന്നു.