സ്വന്തം ജനതയെ ബോംബെറിഞ്ഞ് ലോകത്തെ ശ്രദ്ധ തിരിക്കാന്‍ ശ്രമിക്കുന്ന ഒരു രാജ്യത്തിന്റെ 'ഭ്രമാത്മകമായ പ്രകോപനം'. ജമ്മു കശ്മീരിനെക്കുറിച്ചുള്ള പാകിസ്ഥാന്റെ പരാമർശത്തെ ഐക്യരാഷ്ട്രസഭയിൽ തള്ളി ഇന്ത്യ. പാകിസ്ഥാൻ "വ്യവസ്ഥാപിതമായ വംശഹത്യ" നടത്തുന്നുവെന്ന് പർവ്വതനേനി ഹരീഷ്

ന്യൂയോര്‍ക്ക്: ജമ്മു കശ്മീരിനെക്കുറിച്ചുള്ള പാകിസ്ഥാന്റെ അവകാശവാദത്തിനെതിരെ ചൊവ്വാഴ്ച ഇന്ത്യ ആഞ്ഞടിച്ചു, സ്വന്തം ജനതയെ ബോംബെറിഞ്ഞ് ലോകത്തെ ശ്രദ്ധ തിരിക്കാന്‍ ശ്രമിക്കുന്ന ഒരു രാജ്യത്തിന്റെ 'ഭ്രമാത്മകമായ പ്രകോപനം' എന്നാണ് ഇന്ത്യ ഇതിനെ വിശേഷിപ്പിച്ചത്. 

സ്ത്രീകള്‍, സമാധാനം, സുരക്ഷ എന്നിവയെക്കുറിച്ചുള്ള യുഎന്‍ സുരക്ഷാ കൗണ്‍സിലിന്റെ (യുഎന്‍എസ്സി) തുറന്ന ചര്‍ച്ചയില്‍ സംസാരിച്ച ഇന്ത്യയുടെ യുഎന്‍ അംബാസഡര്‍ പര്‍വ്വതനേനി ഹരീഷ്, പാകിസ്ഥാന്‍ 'വ്യവസ്ഥാപിതമായ വംശഹത്യ' നടത്തുകയാണെന്നും 'തെറ്റിദ്ധാരണയും അതിശയോക്തിയും ഉപയോഗിച്ച് ലോകത്തെ ശ്രദ്ധ തിരിക്കാന്‍ മാത്രമേ ശ്രമിക്കൂ' എന്നും പറഞ്ഞു.

ഇന്ത്യയ്ക്കെതിരെ, പ്രത്യേകിച്ച് ജമ്മു കശ്മീരിനെതിരെ, പാകിസ്ഥാന്‍ നടത്തിയ പരാമര്‍ശങ്ങളെ ഹരീഷ് രൂക്ഷമായി വിമര്‍ശിച്ചു.

 'എല്ലാ വര്‍ഷവും, നിര്‍ഭാഗ്യവശാല്‍, എന്റെ രാജ്യത്തിനെതിരെ, പ്രത്യേകിച്ച് അവര്‍ കൊതിക്കുന്ന ഇന്ത്യന്‍ പ്രദേശമായ ജമ്മു കശ്മീരിനെതിരെ, പാകിസ്ഥാന്റെ വ്യാമോഹപരമായ വിമര്‍ശനങ്ങള്‍ കേള്‍ക്കാന്‍ നമ്മള്‍ വിധിക്കപ്പെടുന്നു,' അദ്ദേഹം പറഞ്ഞു.

സ്ത്രീകളുടെ അവകാശങ്ങള്‍ ലംഘിക്കുന്ന ഇസ്ലാമാബാദിനെതിരെ യുഎന്‍ പ്രതിനിധി രൂക്ഷ വിമര്‍ശനം ഉന്നയിക്കുകയും 'അതിശയോക്തി ഉപയോഗിച്ച് ലോകത്തെ വഴിതെറ്റിക്കുകയാണെന്നും' ആരോപിച്ചു.