അസ്വസ്ഥതകൾക്കിടയിൽ ഇറാനിൽ നിന്ന് ഇന്ത്യക്കാർ മടങ്ങുന്നു

ഡല്‍ഹി: ഇറാനില്‍ നിന്ന് നിരവധി ഇന്ത്യന്‍ പൗരന്മാര്‍ മടങ്ങി. വിദേശകാര്യ മന്ത്രാലയത്തിന്റെയും ടെഹ്റാനിലെ ഇന്ത്യന്‍ എംബസിയുടെയും ഉപദേശങ്ങളെ തുടര്‍ന്നാണ് ഈ വരവ്. 

വിദ്യാര്‍ത്ഥികള്‍, തീര്‍ത്ഥാടകര്‍, ബിസിനസുകാര്‍, വിനോദസഞ്ചാരികള്‍ എന്നിവരുള്‍പ്പെടെയുള്ള ഇന്ത്യക്കാര്‍ ലഭ്യമായ ഗതാഗത മാര്‍ഗങ്ങള്‍ ഉപയോഗിച്ച് ഇറാനില്‍ നിന്ന് മടങ്ങണമെന്ന് ആവശ്യപ്പെട്ടിരുന്നു. 

സംഭവവികാസങ്ങള്‍ സൂക്ഷ്മമായി നിരീക്ഷിച്ചുവരികയാണെന്നും 'അവരുടെ ക്ഷേമത്തിന് ആവശ്യമായതെല്ലാം ചെയ്യാന്‍ പ്രതിജ്ഞാബദ്ധമാണെന്നും' സര്‍ക്കാര്‍ പറഞ്ഞു.